Pumunta sa nilalaman

Pumunta sa pangalawahing menu

Pumunta sa talaan ng mga nilalaman

Mga Saksi ni Jehova

Tagalog

Gumising!  |  Setyembre 2014

 MAY NAGDISENYO BA NITO?

Ang Sensitibong Neuron ng Balang

Ang Sensitibong Neuron ng Balang

KAPAG nandarayuhan ang mga balang, para silang malaking hukbo na umaabot ng mga “80 milyong balang bawat kilometro kuwadrado.” Pero hindi sila nagbabanggaan. Ano ang kanilang sekreto?

Pag-isipan ito: Ang balang ay may dalawang masalimuot na mata. Sa likod ng bawat mata, may neuron na sensitibo sa galaw. Tinatawag itong lobula giant movement detector (LGMD). Kapag may posibilidad na magkaroon ng banggaan, ang mga neuron ay magpapadala ng mensahe sa pakpak at binti ng balang para kumilos ito agad. Sa katunayan, ang reaksiyong ito ay mas mabilis nang limang beses kaysa sa isang kisap-mata.

Dahil sa natuklasan ng mga siyentipiko tungkol sa mga mata at neuron ng balang, nakabuo sila ng computerized system na tumutulong sa mga mobile robot na madetek at maiwasan ang papalapit na mga bagay, nang hindi gumagamit ng komplikadong radar o infrared detector. Ginagamit ng mga mananaliksik ang teknolohiyang ito sa mga sasakyan para magkaroon ang mga ito ng mabilis at maaasahang warning system upang mabawasan ang banggaan. “Napakarami nating matututuhan sa simpleng insekto na gaya ng balang,” ang sabi ni Propesor Shigang Yue ng University of Lincoln sa United Kingdom.

Ano sa palagay mo? Ang mga neuron ba ng balang, na sensitibo sa galaw, ay resulta ng ebolusyon? O may nagdisenyo nito?