Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

ATING BUHAY AT MINISTERYONG KRISTIYANO—WORKBOOK PARA SA PULONG SETYEMBRE 2016

 PAMUMUHAY BILANG KRISTIYANO

Mga Dapat Iwasan Kapag Nagdaraos ng Pag-aaral sa Bibliya

Mga Dapat Iwasan Kapag Nagdaraos ng Pag-aaral sa Bibliya
PAGKAKAAYOS
Larawan
Text

Ikaw ang Salita Nang Salita: Huwag isipin na kailangan mong ipaliwanag lahat. Gumamit si Jesus ng mga tanong para mag-isip at makagawa ng tamang konklusyon ang kausap niya. (Mat 17:24-27) Kapag nagtatanong ka, nagiging masigla ang pag-aaral ninyo at nakikita mo kung ano ang nauunawaan at pinaniniwalaan ng estudyante mo. (be 253 ¶3-4) Maging matiyaga at hintayin ang kaniyang sagot. Kapag mali ang sagot niya, huwag agad sabihin ang tamang sagot kundi akayin siya sa tamang konklusyon sa pamamagitan ng karagdagang mga tanong. (be 238 ¶1-2) Huwag bilisan ang pagsasalita para makuha ng estudyante ang mga bagong impormasyon.—be 230 ¶4.

Ginagawang Komplikado: Iwasang sabihin ang lahat ng nalalaman mo tungkol sa paksa. (Ju 16:12) Magpokus sa pangunahing punto ng parapo. (be 226 ¶4-5) Ang mga detalye, kahit na kawili-wili, ay maaaring magpalabo sa pangunahing mga punto. (be 235 ¶3) Kapag naiintindihan na ng estudyante ang pangunahing punto, lumipat na sa susunod na parapo.

Basta Lang Itinatawid ang Impormasyon: Ang tunguhin natin ay maabot ang puso ng estudyante. (Luc 24:32) Gamitin ang kapangyarihan ng Salita ng Diyos at magpokus sa mga susing teksto. (2Co 10:4; Heb 4:12; be 144 ¶1-3) Gumamit ng mga simpleng ilustrasyon. (be 245 ¶2-4) Ibagay ang pag-aaral sa mga hamong kinakaharap ng estudyante at sa paniniwala niya. Puwede mong itanong: “Ano ang masasabi mo sa pinag-aaralan natin?” “Ano ang natutuhan natin dito tungkol kay Jehova?” “Paano ka makikinabang sa pagsunod sa payong ito?”—be 238 ¶3-5; 259 ¶1.