Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

Zefanias 2:1-15

2  Magtipon kayong sama-sama, oo, magtipon nga,+ O bansa na hindi namumutla sa kahihiyan.+  Bago ang batas ay magsilang ng anuman,+ bago ang araw ay dumaang gaya ng ipa, bago dumating sa inyo ang nag-aapoy na galit ni Jehova,+ bago dumating sa inyo ang araw ng galit ni Jehova,+  hanapin ninyo si Jehova,+ ninyong lahat na maaamo sa lupa,+ na nagsasagawa ng Kaniyang hudisyal na pasiya. Hanapin ninyo ang katuwiran,+ hanapin ninyo ang kaamuan.+ Baka sakaling+ makubli kayo sa araw ng galit ni Jehova.+  Sapagkat, kung tungkol sa Gaza, siya ay magiging lunsod na pinabayaan;+ at ang Askelon ay magiging tiwangwang na kaguhuan.+ Kung tungkol sa Asdod,+ sa tanghaling tapat ay palalayasin nila siya;+ at kung tungkol sa Ekron, siya ay bubunutin.+  “Sa aba ng mga tumatahan sa pook ng dagat, ang bansa ng mga Kereteo!+ Ang salita ni Jehova ay laban sa inyo. O Canaan, na lupain ng mga Filisteo, wawasakin din kita, anupat walang tatahan.+  At ang pook ng dagat ay magiging mga pastulan,+ na may mga balon para sa mga pastol at mga kural na bato para sa mga tupa.  At iyon ay magiging pook para sa mga nalalabi sa sambahayan ni Juda.+ Sa mga iyon ay manginginain sila. Sa mga bahay sa Askelon, sa gabi, ay hihiga silang nakaunat. Sapagkat ibabaling ni Jehova na kanilang Diyos ang kaniyang pansin sa kanila+ at titipunin ngang muli ang mga nabihag sa kanila.”+  “Narinig ko ang pandurusta ng Moab+ at ang mapang-abusong mga salita ng mga anak ni Ammon,+ na kanilang ipinandusta sa aking bayan at lubhang ipinagpalalo laban sa kanilang teritoryo.  Kaya nga, buháy ako,”+ ang sabi ni Jehova ng mga hukbo, na Diyos ng Israel, “ang Moab ay magiging gaya ng Sodoma,+ at ang mga anak ni Ammon+ ay gaya ng Gomorra, isang dakong pag-aari ng mga kulitis, at isang hukay ng asin, at isang tiwangwang na kaguhuan, maging hanggang sa panahong walang takda.+ Ang mga nalalabi sa aking bayan ay mandarambong sa kanila, at aariin sila ng nalabi sa aking sariling bansa.+ 10  Ito ang mapapala nila kahalili ng kanilang pagmamapuri,+ sapagkat sila ay nandusta at lubhang nagpalalo laban sa bayan ni Jehova ng mga hukbo.+ 11  Si Jehova ay magiging kakila-kilabot laban sa kanila;+ sapagkat pangangayayatin niya ang lahat ng mga diyos sa lupa,+ at ang mga tao ay yuyukod sa kaniya,+ bawat isa mula sa kaniyang dako, lahat ng mga pulo ng mga bansa.+ 12  “Kayo rin, kayong mga Etiope,+ kayo man ay magiging mga taong napatay sa pamamagitan ng aking tabak.+ 13  “At iuunat niya ang kaniyang kamay sa dakong hilaga, at wawasakin niya ang Asirya.+ At ang Nineve ay gagawin niyang tiwangwang na kaguhuan,+ isang pook na walang tubig na gaya ng ilang. 14  At sa gitna niya, ang mga kawan ay hihigang nakaunat, ang lahat ng maiilap na hayop ng isang bansa.+ Kapuwa ang pelikano at ang porcupino+ ay magpapalipas ng gabi sa mga kapital ng kaniyang mga haligi.+ Isang tinig ang patuloy na aawit sa may bintana. Magkakaroon ng kagibaan sa pintuan; sapagkat ihahantad niya ang mismong panloob na dingding.+ 15  Ito ang nagbubunying lunsod na dating nakaupong tiwasay,+ na nagsasabi sa kaniyang puso, ‘Ako nga, at wala nang iba pa.’+ O ano’t siya ay naging bagay na panggigilalasan, isang dakong mahihigan ng maiilap na hayop! Bawat isa na daraan sa tabi niya ay sisipol; iwawagwag niya ang kaniyang kamay.”+

Talababa