Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

Zacarias 4:1-14

4  At bumalik ang anghel na nakikipag-usap sa akin at ginising ako, gaya ng isang tao na ginising mula sa kaniyang pagkakatulog. +  Pagkatapos ay sinabi niya sa akin: “Ano ang nakikita mo?” + Kaya sinabi ko: “Nakita ko, at, narito! may isang kandelero, ang kabuuan nito ay ginto, + na may isang mangkok sa ibabaw nito. At ang pitong lampara nito ay nasa ibabaw nito, pito nga; + at ang mga lampara na nasa ibabaw nito ay may pitong tubo.  At may dalawang punong olibo sa tabi nito, + isa sa dakong kanan ng mangkok at isa sa dakong kaliwa nito.”  At ako ay sumagot at nagsabi sa anghel na nakikipag-usap sa akin, na sinasabi: “Ano ang kahulugan ng mga bagay na ito, panginoon ko?” +  Kaya ang anghel na nakikipag-usap sa akin ay sumagot at nagsabi sa akin: “Talaga bang hindi mo alam kung ano ang kahulugan ng mga bagay na ito?” Sinabi ko naman: “Hindi, panginoon ko.” +  Sa gayon ay sumagot siya at nagsabi sa akin: “Ito ang salita ni Jehova kay Zerubabel, na nagsasabi, ‘ “Hindi sa pamamagitan ng hukbong militar, + ni sa pamamagitan man ng kapangyarihan, + kundi sa pamamagitan ng aking espiritu,” + ang sabi ni Jehova ng mga hukbo.  Sino ka, O malaking bundok? + Sa harap ni Zerubabel + ay magiging patag na lupain ka. At tiyak na ilalabas niya ang pangulong-bato. + Magkakaroon ng hiyawan + para roon: “Kahali-halina! Kahali-halina!” ’ ” +  At ang salita ni Jehova ay patuloy na dumating sa akin, na nagsasabi:  “Ang mismong mga kamay ni Zerubabel ang naglatag ng pundasyon ng bahay na ito, + at ang kaniyang sariling mga kamay ang tatapos nito. + At iyo ngang malalaman na si Jehova ng mga hukbo ang nagsugo sa akin sa inyo. + 10  Sapagkat sino ang humamak sa araw ng maliliit na bagay? + At tiyak na magsasaya + sila at makikita nila ang hulog sa kamay ni Zerubabel. Ang pitong ito ay mga mata ni Jehova. + Ang mga ito ay nagpaparoo’t parito sa buong lupa.” + 11  At ako ay sumagot at nagsabi sa kaniya: “Ano ang kahulugan ng dalawang punong olibong ito sa dakong kanan ng kandelero at sa dakong kaliwa nito?” + 12  Pagkatapos ay sumagot ako sa ikalawang pagkakataon at nagsabi sa kaniya: “Ano ang dalawang kumpol ng maliliit na sanga ng mga punong olibo na sa pamamagitan ng dalawang ginintuang tubo ay nagpapadaloy ng ginintuang likido?” 13  Kaya sinabi niya sa akin: “Talaga bang hindi mo alam kung ano ang kahulugan ng mga bagay na ito?” Sinabi ko naman: “Hindi, panginoon ko.” + 14  Sa gayon ay sinabi niya: “Ito ang dalawang pinahiran + na nakatayo sa tabi ng Panginoon ng buong lupa.” +

Talababa