Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

Zacarias 3:1-10

3  At ipinakita niya sa akin si Josue + na mataas na saserdote na nakatayo sa harap ng anghel ni Jehova, at si Satanas + na nakatayo sa kaniyang kanan upang sumalansang + sa kaniya.  Sa gayon ay sinabi [ng anghel] + ni Jehova kay Satanas: “Sawayin + ka nawa ni Jehova, O Satanas, oo, sawayin ka nawa ni Jehova, siya na pumipili sa Jerusalem! + Hindi ba ang isang ito ay kahoy na inagaw sa apoy?” +  Kung tungkol nga kay Josue, siya ay nadaramtan ng narumhang mga kasuutan + at nakatayo sa harap ng anghel.  At siya ay sumagot at nagsabi sa mga nakatayo sa harap niya: “Alisin ninyo sa kaniya ang narumhang mga kasuutan.” At sinabi niya sa kaniya: “Tingnan mo, pinalampas ko sa iyo ang iyong kamalian, + at dinamtan ka ng mariringal na kasuutan.” +  Sa gayon ay sinabi ko: “Lagyan nila ng malinis na turbante ang kaniyang ulo.” + At inilagay nila sa kaniyang ulo ang malinis na turbante at dinamtan nila siya ng mga kasuutan; at ang anghel ni Jehova ay nakatayo sa tabi.  At ang anghel ni Jehova ay nagsimulang magpatotoo kay Josue, na sinasabi:  “Ito ang sinabi ni Jehova ng mga hukbo, ‘Kung ang aking mga daan ang lalakaran mo, at kung ang katungkulan sa akin ang iingatan mo, + kung magkagayon ay ikaw rin ang hahatol sa aking sambahayan + at mag-iingat din sa aking mga looban; at tiyak na bibigyan kita ng kalayaang lumapit sa gitna ng mga ito na nakatayo sa tabi.’  “ ‘Dinggin mo, pakisuyo, O Josue na mataas na saserdote, ikaw at ang iyong mga kasamahan na nakaupo sa harap mo, sapagkat sila ay mga tao na nagsisilbing mga palatandaan; + sapagkat narito, ilalabas ko ang aking lingkod + na si Sibol! +  Sapagkat, narito! ang bato + na inilagay ko sa harap ni Josue! Sa ibabaw ng isang batong iyon ay may pitong mata. + Narito, nilililok ko ang lilok niyaon,’ + ang sabi ni Jehova ng mga hukbo, ‘at aalisin ko ang kamalian ng lupaing iyon sa loob ng isang araw.’ + 10  “ ‘Sa araw na iyon,’ ang sabi ni Jehova ng mga hukbo, ‘tatawag kayo sa isa’t isa, habang nasa ilalim ng punong ubas at habang nasa ilalim ng puno ng igos.’ ” +

Talababa