Pumunta sa nilalaman

Pumunta sa pangalawahing menu

Pumunta sa talaan ng mga nilalaman

Mga Saksi ni Jehova

Tagalog

Bibliya Online | BAGONG SANLIBUTANG SALIN NG BANAL NA KASULATAN

Panaghoy 5:1-22

5  Alalahanin mo, O Jehova, kung ano ang nangyari sa amin.+ Tingnan mo at masdan ang aming kadustaan.+   Ang aming minanang pag-aari ay ibinigay sa mga taga-ibang bayan, ang aming mga bahay ay sa mga banyaga.+   Kami ay naging hamak na mga ulila na walang ama.+ Ang aming mga ina ay tulad ng mga balo.+   Kapalit ng salapi ay ininom namin ang aming tubig.+ Kapalit ng isang halaga ay dumarating ang aming kahoy.   Malapit na sa aming leeg ang pagtugis sa amin.+ Nanghimagod na kami. Walang kapahingahang natira sa amin.+   Sa Ehipto+ ay iniabot namin ang kamay;+ sa Asirya,+ upang mabusog sa tinapay.   Ang aming mga ninuno ang siyang nagkasala.+ Wala na sila. Sa ganang amin, ang kanilang mga kamalian ang kinailangan naming pasanin.+   Mga lingkod lamang ang namamahala sa amin.+ Walang sinumang umaagaw sa amin mula sa kanilang kamay.+   Manganib man ang aming kaluluwa ay ipinapasok namin ang aming tinapay,+ dahil sa tabak sa ilang. 10  Ang amin mismong balat ay nag-init na parang hurno, dahil sa mga hapdi ng gutom.+ 11  Ang mga asawang babae sa Sion ay hinamak nila,+ ang mga dalaga sa mga lunsod ng Juda. 12  Ang mga prinsipe mismo ay ibinitin sa pamamagitan lamang ng kanilang kamay.+ Ang mga mukha ng matatandang lalaki man ay hindi binigyang-dangal.+ 13  Maging ang mga kabataang lalaki ay bumuhat ng gilingang pangkamay,+ at sa ilalim ng kahoy ay natisod ang mga batang lalaki.+ 14  Ang matatandang lalaki ay naglaho mula sa pintuang-daan,+ ang mga kabataang lalaki mula sa kanilang musikang tugtugin.+ 15  Ang pagbubunyi ng aming puso ay naglaho. Ang aming sayawan ay napalitan ng pagdadalamhati.+ 16  Ang korona ng aming ulo ay nahulog.+ Sa aba namin ngayon, sapagkat kami ay nagkasala!+ 17  Dahil dito ay nagkasakit ang aming puso.+ Dahil sa mga bagay na ito ay lumabo ang aming mga mata,+ 18  Dahil sa bundok ng Sion na nakatiwangwang;+ mga sorra ang lumalakad doon.+ 19  Kung tungkol sa iyo, O Jehova, ikaw ay uupo hanggang sa panahong walang takda.+ Ang iyong trono ay sa sali’t salinlahi.+ 20  Bakit mo kami nililimot magpakailanman,+ na iniiwan mo kami sa kahabaan ng mga araw?+ 21  Panumbalikin mo kami sa iyo,+ O Jehova, at kaagad kaming manunumbalik. Bigyan mo kami ng mga bagong araw gaya noong sinaunang panahon.+ 22  Gayunman, lubusan mo kaming itinakwil.+ Lubha kang nagalit sa amin.+

Talababa