Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

Panaghoy 3:1-66

א [Alep] 3  Ako ang matipunong lalaki na nakakita ng kapighatian+ dahil sa baston ng kaniyang poot.   Ako ang kaniyang inakay at pinalalakad sa kadiliman at hindi sa liwanag.+   Tunay nga, laban sa akin ay paulit-ulit niyang iginagalaw ang kaniyang kamay sa buong araw.+ ב [Bet]   Pinanghina niya ang aking laman at ang aking balat.+ Binali niya ang aking mga buto.+   Siya ay nagtayo laban sa akin, upang mapalibutan+ niya ako ng nakalalasong halaman+ at ng paghihirap.   Sa madidilim na dako+ ay pinaupo niya akong tulad ng mga taong mahabang panahon nang patay.+ ג [Gimel]   Hinarangan niya ako ng waring pader na bato, upang hindi ako makalabas.+ Pinabigat niya ang aking mga pangaw na tanso.+   Gayundin, kapag ako ay humihingi ng saklolo at humihiling ng tulong, hinahadlangan nga niya ang aking panalangin.+   Hinarangan niya ang aking mga daan ng tinabas na bato.+ Ang aking mga landas ay pinilipit niya.+ ד [Dalet] 10  Sa akin ay gaya siya ng isang oso na nag-aabang,+ gaya ng isang leon sa mga kublihang dako.+ 11  Ang aking mga daan ay ginulo niya, at pinababayaan niya akong nakatiwangwang. Ako ay ginawa niyang kaaba-aba.+ 12  Niyapakan niya ang kaniyang busog,+ at inilalagay niya ako bilang tudlaan ng palaso.+ ה [He] 13  Isinaksak niya sa aking mga bato ang mga anak ng kaniyang talanga.+ 14  Ako ay naging katatawanan+ ng buong bayang laban sa akin, ang paksa ng kanilang awit sa buong araw.+ 15  Pinagsawa niya ako sa mapapait na bagay.+ Inumay niya ako sa ahenho.+ ו [Waw] 16  At sa pamamagitan ng graba ay binabali niya ang aking mga ngipin.+ Pinayukyok niya ako sa abo.+ 17  Nagtatakwil ka rin anupat walang kapayapaan ang aking kaluluwa. Nawala na sa aking alaala kung ano ang mabuti.+ 18  At patuloy kong sinasabi: “Ang aking kagalingan ay naglaho, at ang aking inaasahan mula kay Jehova.”+ ז [Zayin] 19  Alalahanin mo ang aking kapighatian at ang aking kawalan ng tahanan,+ ang ahenho at ang nakalalasong halaman.+ 20  Walang pagsalang maaalaala ng iyong kaluluwa at yuyuko sa ibabaw ko.+ 21  Ito ang gugunitain ko sa aking puso.+ Kaya naman ako ay magpapakita ng mapaghintay na saloobin.+ ח [Ket] 22  Dahil sa mga gawa ng maibiging-kabaitan+ ni Jehova kung kaya hindi pa tayo nalilipol,+ sapagkat ang kaniyang kaawaan ay tiyak na hindi magwawakas.+ 23  Ang mga iyon ay bago sa bawat umaga.+ Ang iyong katapatan ay sagana.+ 24  “Si Jehova ang aking bahagi,”+ ang sabi ng aking kaluluwa, “kaya naman ako ay magpapakita ng mapaghintay na saloobin sa kaniya.”+ ט [Tet] 25  Mabuti si Jehova doon sa umaasa sa kaniya,+ sa kaluluwang patuloy na humahanap sa kaniya.+ 26  Mabuti sa isa ang maghintay,+ nang tahimik nga,+ sa pagliligtas ni Jehova.+ 27  Mabuti sa isang matipunong lalaki ang magpasan ng pamatok sa panahon ng kaniyang kabataan.+ י [Yod] 28  Umupo siyang mag-isa at manahimik,+ sapagkat may ipinataw siya sa kaniya.+ 29  Ilagay niya ang kaniyang bibig sa mismong alabok.+ Marahil ay may pag-asa pa.+ 30  Ibigay niya ang kaniyang pisngi doon sa nananakit sa kaniya.+ Mapuspos siya ng kadustaan.+ כ [Kap] 31  Sapagkat hindi hanggang sa panahong walang takda ay magtatakwil si Jehova.+ 32  Sapagkat bagaman siya ay pumipighati,+ tiyak na magpapakita rin siya ng awa ayon sa kasaganaan ng kaniyang maibiging-kabaitan.+ 33  Sapagkat hindi buhat sa kaniyang sariling puso kung kaya niya pinipighati o dinadalamhati ang mga anak ng mga tao.+ ל [Lamed] 34  Sa pagdurog sa lahat ng bilanggo+ sa lupa sa ilalim ng mga paa,+ 35  Sa paglilihis sa kahatulan ng matipunong lalaki sa harap ng mukha ng Kataas-taasan,+ 36  Sa pagbabaluktot sa isang tao sa kaniyang usapin sa batas, si Jehova ay walang pagsang-ayon.+ מ [Mem] 37  Sino nga ang nagsasabing may dapat mangyari gayong hindi naman nag-utos si Jehova?+ 38  Sa bibig ng Kataas-taasan ay hindi lumalabas ang masasamang bagay at ang mabuti.+ 39  Bakit magrereklamo ang isang taong buháy,+ ang matipunong lalaki dahil sa kaniyang kasalanan?+ נ [Nun] 40  Suriin natin ang ating mga lakad at siyasatin ang mga iyon,+ at manumbalik nga tayo kay Jehova.+ 41  Itaas natin ang ating puso pati ang ating mga palad sa Diyos na nasa langit:+ 42  “Kami ay sumalansang, at gumawi kami nang mapaghimagsik.+ Ikaw naman ay hindi nagpatawad.+ ס [Samek] 43  Hinarangan mo ng galit ang paglapit,+ at lagi mo kaming tinutugis.+ Pumatay ka; hindi ka nahabag.+ 44  Hinarangan mo ng kaulapan+ ang lumalapit sa iyo, upang ang panalangin ay hindi makaraan.+ 45  Ginagawa mo kaming hamak na sukal at basura sa gitna ng mga bayan.”+ פ [Pe] 46  Laban sa amin ay ibinuka ng lahat ng aming kaaway ang kanilang bibig.+ 47  Ang panghihilakbot at ang hukay ay naging amin,+ ang pagkatiwangwang at ang pagkasira.+ 48  Mga bukal ng tubig ang idinadaloy ng aking mata dahil sa pagkasira ng anak na babae ng aking bayan.+ ע [Ayin] 49  Ang akin mismong mata ay bumubuhos at ayaw tumigil, anupat walang mga patlang,+ 50  Hanggang sa dumungaw si Jehova at tumingin mula sa langit.+ 51  Ang aking mata ay nakitungo nang may kahigpitan sa aking kaluluwa,+ dahil sa lahat ng mga anak na babae ng aking lunsod.+ צ [Tsade] 52  Ang aking mga kaaway ay talagang naghahanap sa akin gaya ng sa isang ibon,+ nang walang dahilan.+ 53  Ang aking buhay ay pinatahimik nila sa hukay,+ at patuloy nila akong pinupukol ng mga bato. 54  Tubig ang umaagos sa ibabaw ng aking ulo.+ Sinabi ko: “Ako ay tiyak na malilipol!”+ ק [Kop] 55  Tinawag ko ang iyong pangalan, O Jehova, mula sa isang hukay na napakalalim.+ 56  Ang aking tinig ay dinggin mo.+ Huwag mong ikubli ang iyong pandinig sa aking ikagiginhawa, sa paghingi ko ng tulong.+ 57  Lumapit ka nang araw na patuloy akong tumawag sa iyo.+ Sinabi mo: “Huwag kang matakot.”+ ר [Res] 58  Ipinagsanggalang mo, O Jehova, ang mga pakikipaglaban ng aking kaluluwa.+ Tinubos mo ang aking buhay.+ 59  Nakita mo, O Jehova, ang kamaliang ginawa sa akin.+ O patnugutan mo nawa ang kahatulan para sa akin.+ 60  Nakita mo ang lahat ng kanilang paghihiganti, ang lahat ng kanilang mga kaisipan laban sa akin.+ ש [Sin] o [Shin] 61  Narinig mo ang kanilang pandurusta, O Jehova, ang lahat ng kanilang mga kaisipan laban sa akin,+ 62  Ang mga labi niyaong mga tumitindig laban sa akin+ at ang kanilang pagbubulungan laban sa akin sa buong araw.+ 63  Tingnan mo ang kanila mismong pag-upo at ang kanilang pagtindig.+ Ako ang paksa ng kanilang awit.+ ת [Taw] 64  Gagantihan mo sila ng pakikitungo, O Jehova, ayon sa gawa ng kanilang mga kamay.+ 65  Ibibigay mo sa kanila ang kawalang-pakundangan ng puso,+ ang iyong sumpa sa kanila.+ 66  Manunugis ka sa galit at lilipulin mo sila+ mula sa silong ng langit ni Jehova.+

Talababa