Pumunta sa nilalaman

Pumunta sa pangalawahing menu

Pumunta sa talaan ng mga nilalaman

Mga Saksi ni Jehova

Tagalog

Bibliya Online | BAGONG SANLIBUTANG SALIN NG BANAL NA KASULATAN

Panaghoy 2:1-22

א [Alep] 2  O ano’t sa kaniyang galit ay tinatakpan ni Jehova ng ulap ang anak na babae ng Sion!+ Mula sa langit ay inihagis niya sa lupa+ ang kagandahan ng Israel.+ At hindi niya inalaala ang kaniyang tuntungan+ noong araw ng kaniyang galit. ב [Bet]   Si Jehova ay nanlamon, hindi niya kinahabagan ang alinman sa mga tinatahanang dako+ ng Jacob. Sa kaniyang poot ay giniba niya ang mga nakukutaang dako+ ng anak na babae ng Juda. Inilugmok niya sa lupa,+ nilapastangan niya ang kaharian+ at ang mga prinsipe nito.+ ג [Gimel]   Sa init ng galit ay pinutol niya ang bawat sungay ng Israel.+ Iniurong niya ang kaniyang kanang kamay mula sa harap ng kaaway;+ At sa Jacob ay patuloy siyang nagniningas na parang nagliliyab na apoy na nanlalamon sa buong palibot.+ ד [Dalet]   Niyapakan niya ang kaniyang busog tulad ng isang kaaway.+ Ang kaniyang kanang kamay+ ay lumagay sa dako nito Tulad ng isang kalaban,+ at pinagpapatay niya ang lahat ng mga kanais-nais sa paningin.+ Sa tolda+ ng anak na babae ng Sion ay ibinuhos niya ang kaniyang pagngangalit, na parang apoy.+ ה [He]   Si Jehova ay naging parang kaaway.+ Nilamon niya ang Israel.+ Nilamon niya ang lahat ng mga tirahang tore nito;+ giniba niya ang kaniyang mga nakukutaang dako.+ At sa anak na babae ng Juda ay pinararami niya ang pagdadalamhati at pagtaghoy.+ ו [Waw]   At pinakikitunguhan niya nang marahas ang kaniyang kubol+ gaya niyaong nasa isang hardin.+ Sinira niya ang kaniyang kapistahan. Pinangyari ni Jehova na ang kapistahan+ at ang sabbath ay malimot sa Sion, At sa kaniyang galít na pagtuligsa ay hindi siya nagpapakita ng paggalang sa hari at saserdote.+ ז [Zayin]   Tinanggihan ni Jehova ang kaniyang altar.+ Iwinaksi niya ang kaniyang santuwaryo.+ Sa kamay ng kaaway ay isinuko niya ang mga pader ng mga tirahang tore nito.+ Sa bahay ni Jehova ay inilakas nila ang kanilang tinig, gaya ng sa araw ng kapistahan.+ ח [Ket]   Inisip ni Jehova na gibain ang pader+ ng anak na babae ng Sion. Iniunat niya ang pising panukat.+ Hindi niya iniurong ang kaniyang kamay mula sa paglamon.+ At pinagdadalamhati niya ang muralya at ang pader.+ Magkasamang naglalaho ang mga iyon. ט [Tet]   Ang mga pintuang-daan+ nito ay lumubog sa mismong lupa. Kaniyang sinira at pinagdurug-durog ang mga halang nito. Ang hari nito at ang mga prinsipe nito ay nasa gitna ng mga bansa.+ Walang kautusan.+ Ang mga propeta rin nito ay walang nasumpungang pangitain mula kay Jehova.+ י [Yod] 10  Ang matatandang lalaki ng anak na babae ng Sion ay nakaupo sa lupa, na doon ay nananatili silang tahimik.+ Naglagay sila ng alabok sa kanilang ulo.+ Nagbigkis sila ng telang-sako.+ Ang mga dalaga ng Jerusalem ay nagbaba ng kanilang ulo sa mismong lupa.+ כ [Kap] 11  Ang aking mga mata ay nagwawakas dahil sa mga luha.+ Ang aking mga bituka ay nababagabag.+ Ang aking atay ay nabuhos sa mismong lupa,+ dahil sa pagbagsak ng anak na babae ng aking bayan,+ Dahilan sa panlulupaypay ng bata at ng pasusuhin sa mga liwasan ng bayan.+ ל [Lamed] 12  Sa kanilang mga ina ay lagi nilang sinasabi: “Nasaan ang butil at alak?”+ Dahil sa kanilang panlulupaypay na gaya ng isang napatay sa mga liwasan ng lunsod, Dahil sa pagkakabuhos ng kanilang kaluluwa sa dibdib ng kanilang mga ina. מ [Mem] 13  Sa ano kita gagamiting saksi? Ano ang itutulad ko sa iyo, O anak na babae ng Jerusalem?+ Ano ang ipapantay ko sa iyo, upang maaliw kita, O anak na dalaga ng Sion?+ Sapagkat ang iyong pagkasira+ ay sinlaki nga ng dagat. Sino ang makapagpapagaling sa iyo?+ נ [Nun] 14  Ang iyong sariling mga propeta ay nagpangitain para sa iyo ng walang-kabuluhan at di-nakasisiyang mga bagay,+ At hindi nila inilantad ang iyong kamalian upang iurong ang iyong pagkabihag,+ Kundi patuloy silang nagpapangitain para sa iyo ng walang-kabuluhan at nagliligaw na mga kapahayagan.+ ס [Samek] 15  Sa iyo ay ipinapalakpak ng lahat ng nagdaraan sa lansangan ang kanilang mga kamay.+ Sila ay sumisipol+ at patuloy na nag-iiling ng kanilang ulo+ sa anak na babae ng Jerusalem, na sinasabi: “Ito ba ang lunsod na sinasabi nila noon, ‘Iyon ang kasakdalan ng kariktan, isang pagbubunyi ng buong lupa’?”+ פ [Pe] 16  Laban sa iyo ay ibinuka ng lahat ng iyong mga kaaway ang kanilang bibig.+ Sumisipol sila at pinagngangalit ang mga ngipin.+ Sinasabi nila: “Lalamunin natin siya.+ Ito nga ang araw na ating hinihintay.+ Nasumpungan natin! Nakita natin!”+ ע [Ayin] 17  Ginawa ni Jehova kung ano ang nasa kaniyang isip.+ Tinupad niya ang kaniyang pananalita,+ Yaong ipinag-utos niya mula pa noong mga araw ng sinaunang panahon.+ Siya ay gumiba at hindi nahabag.+ At laban sa iyo ay pinagsasaya niya ang kaaway.+ Pinataas niya ang sungay ng iyong mga kalaban.+ צ [Tsade] 18  Ang kanilang puso ay dumaing kay Jehova,+ O pader ng anak na babae ng Sion.+ Magpadaloy ka ng mga luha na parang ilog araw at gabi.+ Huwag kang magpakamanhid sa iyong sarili. Huwag nawang manahimik ang balintataw ng iyong mata. ק [Kop] 19  Bumangon ka! Manangis ka sa gabi sa pasimula ng mga pagbabantay sa umaga.+ Ibuhos mong parang tubig ang iyong puso+ sa harap ng mukha+ ni Jehova. Itaas mo sa kaniya ang iyong mga palad+ alang-alang sa kaluluwa ng iyong mga anak, Na nanlulupaypay dahil sa taggutom sa bukana ng lahat ng lansangan.+ ר [Res] 20  Tingnan mo, O Jehova, at masdan+ ang isa na pinakitunguhan mo nang may kahigpitan sa ganitong paraan. Dapat bang kainin ng mga babae ang kanilang sariling bunga, ang mga anak na isinilang na may hustong anyo,+ O sa santuwaryo ba ni Jehova ay dapat patayin ang saserdote at ang propeta?+ ש [Shin] 21  Ang batang lalaki at ang matandang lalaki+ ay humiga sa lupa ng mga lansangan.+ Ang aking mga dalaga at ang aking mga binata ay nabuwal sa pamamagitan ng tabak.+ Ikaw ay pumatay sa araw ng iyong galit.+ Pumatay ka ng marami;+ hindi ka nahabag.+ ת [Taw] 22  Gaya ng sa araw ng kapistahan+ ay tinawag mo ang mga dakong pinanirahan ko bilang dayuhan sa buong palibot. At sa araw ng poot ni Jehova ay walang nasumpungang takas o sinumang nakaligtas;+ Yaong mga iniluwal kong may hustong anyo at inaruga, nilipol sila ng aking kaaway.+

Talababa