Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

Josue 14:1-15

14  At ito ang kinuha ng mga anak ni Israel bilang minanang pag-aari sa lupain ng Canaan,+ na pinangyari ni Eleazar na saserdote at ni Josue na anak ni Nun at ng mga ulo ng mga ama ng mga tribo ng mga anak ni Israel na manahin+ nila.  Ang kanilang mana ay sa pamamagitan ng palabunutan,+ gaya ng iniutos ni Jehova sa pamamagitan ni Moises para sa siyam na tribo at sa kalahating tribo.+  Sapagkat ibinigay na ni Moises ang mana ng dalawang tribo at ng kalahating tribo sa kabilang ibayo ng Jordan;+ at ang mga Levita ay hindi niya binigyan ng mana sa gitna nila.+  Sapagkat ang mga anak ni Jose ay naging dalawang tribo,+ ang Manases+ at ang Efraim;+ at hindi nila binigyan ng bahagi sa lupain ang mga Levita, maliban sa mga lunsod+ na tatahanan at sa mga pastulan ng mga ito para sa kanilang mga alagang hayop at sa kanilang mga ari-arian.+  Kung ano ang iniutos ni Jehova kay Moises, gayon ang ginawa ng mga anak ni Israel; at pinaghati-hatian nila ang lupain.  At ang mga anak ni Juda ay lumapit kay Josue sa Gilgal,+ at si Caleb+ na anak ni Jepune na Kenizita+ ay nagsabi sa kaniya: “Nalalaman mong lubos ang salita na sinalita ni Jehova+ kay Moises na lalaki ng tunay na Diyos+ may kinalaman sa akin at may kinalaman sa iyo sa Kades-barnea.+  Apatnapung taóng gulang ako nang isugo ako ni Moises na lingkod ni Jehova mula sa Kades-barnea upang tiktikan ang lupain,+ at bumalik ako na may dalang salita sa kaniya ayon sa nasa aking puso.+  At pinangyari ng aking mga kapatid na umahong kasama ko na matunaw ang puso ng bayan;+ ngunit sa ganang akin, sinunod ko si Jehova na aking Diyos nang lubusan.+  Dahil dito ay sumumpa si Moises nang araw na iyon, na sinasabi, ‘Ang lupain na tinuntungan+ ng iyong mga paa ay magiging sa iyo at sa iyong mga anak bilang mana hanggang sa panahong walang takda, sapagkat sumunod ka kay Jehova na aking Diyos nang lubusan.’+ 10  At narito, iningatan akong buháy+ ni Jehova, gaya ng ipinangako niya,+ nitong apatnapu’t limang taón mula nang bitiwan ni Jehova ang pangakong ito kay Moises noong lumalakad ang Israel sa ilang,+ at narito, ako sa araw na ito ay walumpu’t limang taóng gulang. 11  Gayunma’y malakas pa ako ngayon gaya nang araw na isugo ako ni Moises.+ Kung ano ang lakas ko noon, gayundin ang lakas ko ngayon para sa digmaan, kapuwa sa paglabas at sa pagpasok.+ 12  At ngayon ay ibigay mo sa akin ang bulubunduking pook na ito na ipinangako ni Jehova nang araw na iyon,+ sapagkat narinig mo mismo nang araw na iyon na may mga Anakim+ doon at malalaking lunsod na nakukutaan.+ Malamang na sasaakin si Jehova,+ at itataboy ko nga sila, gaya ng ipinangako ni Jehova.”+ 13  Sa gayon ay pinagpala siya ni Josue at ibinigay kay Caleb na anak ni Jepune ang Hebron bilang mana.+ 14  Kaya naman ang Hebron ay naging pag-aari ni Caleb na anak ni Jepune na Kenizita bilang mana hanggang sa araw na ito, sa dahilang sumunod siya nang lubusan kay Jehova na Diyos ng Israel.+ 15  Ang pangalan ng Hebron bago nito ay Kiriat-arba+ (ang nasabing Arba+ ay ang dakilang tao sa mga Anakim). At ang lupain ay hindi na niligalig ng digmaan.+

Talababa