Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

Hebreo 3:1-19

3  Dahil dito, mga banal na kapatid, mga kabahagi sa makalangit na pagtawag,+ isaalang-alang ninyo ang apostol+ at mataas na saserdote na ating ipinahahayag+—si Jesus.  Siya ay tapat+ sa Isa na gumawang gayon sa kaniya, kung paanong gayundin si Moises+ sa buong sambahayan ng Isang iyon.+  Sapagkat ang huling nabanggit ay ibinibilang na karapat-dapat sa higit na kaluwalhatian+ kaysa kay Moises, yamang siya+ na nagtatayo nito ay may higit na karangalan kaysa sa bahay.+  Sabihin pa, bawat bahay ay may nagtayo, ngunit siya na nagtayo ng lahat ng bagay ay ang Diyos.+  At si Moises bilang isang tagapaglingkod+ ay tapat sa buong sambahayan ng Isang iyon bilang isang patotoo ng mga bagay na sasalitain sa dakong huli,+  ngunit si Kristo ay tapat bilang isang Anak+ sa sambahayan ng Isang iyon. Tayo ang sambahayan ng Isang iyon,+ kung hihigpitan natin ang ating paghawak sa ating kalayaan sa pagsasalita at sa ating paghahambog sa pag-asa hanggang sa wakas.+  Sa dahilang ito, gaya ng sinasabi ng banal na espiritu:+ “Kung ngayon ay maririnig ninyo ang kaniyang tinig,+  huwag ninyong patigasin ang inyong mga puso na gaya niyaong pangyayari nang mapukaw ang mapait na galit,+ gaya noong araw nang ginagawa ang pagsubok+ sa ilang,+  kung saan sinubok ako ng inyong mga ninuno ng isang pagsubok, at gayunma’y nakita nila ang aking mga gawa+ sa loob ng apatnapung taon.+ 10  Sa dahilang ito ay nasuklam ako sa salinlahing ito at nagsabi, ‘Lagi silang naliligaw sa kanilang mga puso,+ at hindi nila nalalaman ang aking mga daan.’+ 11  Kaya sumumpa ako sa aking galit, ‘Hindi sila papasok+ sa aking kapahingahan.’ ”+ 12  Mag-ingat kayo, mga kapatid, na baka sa paanuman ay tubuan ang sinuman sa inyo ng isang pusong balakyot na walang pananampalataya sa pamamagitan ng paglayo mula sa Diyos na buháy;+ 13  ngunit patuloy ninyong payuhan+ ang isa’t isa bawat araw, hangga’t matatawag itong “Ngayon,”+ dahil baka may sinuman sa inyo na maging mapagmatigas dahil sa mapanlinlang+ na kapangyarihan ng kasalanan. 14  Sapagkat tayo ay talagang nagiging mga kabahagi sa Kristo+ tangi lamang kung hihigpitan natin ang ating paghawak sa pagtitiwalang tinaglay natin sa pasimula hanggang sa wakas,+ 15  samantalang sinasabi: “Kung ngayon ay maririnig ninyo ang kaniyang tinig,+ huwag ninyong patigasin ang inyong mga puso na gaya niyaong pangyayari nang mapukaw ang mapait na galit.”+ 16  Sapagkat sino ba sila na mga nakarinig at gayunma’y pumukaw ng mapait na galit?+ Sa katunayan, hindi ba ang lahat ng lumabas mula sa Ehipto sa ilalim ni Moises?+ 17  Bukod diyan, kanino ba nasuklam ang Diyos sa loob ng apatnapung taon?+ Hindi ba doon sa mga nagkasala, na ang mga bangkay ay nabuwal sa ilang?+ 18  Ngunit kanino ba siya sumumpa+ na hindi sila papasok sa kaniyang kapahingahan kundi doon sa mga naging masuwayin?+ 19  Kaya nakikita natin na hindi sila nakapasok dahil sa kawalan ng pananampalataya.+

Talababa