Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

Ezra 7:1-28

7  At pagkatapos ng mga bagay na ito noong paghahari ni Artajerjes+ na hari ng Persia, si Ezra+ na anak ni Seraias+ na anak ni Azarias na anak ni Hilkias+  na anak ni Salum+ na anak ni Zadok na anak ni Ahitub+  na anak ni Amarias+ na anak ni Azarias+ na anak ni Meraiot+  na anak ni Zerahias+ na anak ni Uzi+ na anak ni Buki+  na anak ni Abisua+ na anak ni Pinehas+ na anak ni Eleazar+ na anak ni Aaron+ na punong saserdote+  ang nasabing Ezra ay umahon mula sa Babilonya; at siya ay isang dalubhasang tagakopya+ ng kautusan ni Moises,+ na ibinigay ni Jehova na Diyos ng Israel, kung kaya ipinagkaloob ng hari sa kaniya, kaayon ng kamay ni Jehova na kaniyang Diyos na sumasakaniya, ang lahat ng kahilingan niya.+  Dahil dito ang ilan sa mga anak ni Israel at sa mga saserdote+ at sa mga Levita+ at sa mga mang-aawit+ at sa mga bantay ng pintuang-daan+ at sa mga Netineo+ ay umahon sa Jerusalem nang ikapitong taon ni Artajerjes+ na hari.  Nang maglaon ay dumating siya sa Jerusalem nang ikalimang buwan, samakatuwid ay nang ikapitong taon ng hari.  Sapagkat noong unang araw ng unang buwan ay itinakda niya ang pag-ahon mula sa Babilonya, at noong unang araw ng ikalimang buwan ay dumating siya sa Jerusalem, kaayon ng mabuting kamay ng kaniyang Diyos na sumasakaniya.+ 10  Sapagkat inihanda+ ni Ezra ang kaniyang puso upang sumangguni sa kautusan ni Jehova+ at upang magsagawa niyaon+ at upang magturo+ sa Israel ng tuntunin+ at katarungan.+ 11  At ito ay isang kopya ng liham na ibinigay ni Haring Artajerjes kay Ezra na saserdoteng tagakopya,+ isang tagakopya ng mga salita ng mga utos ni Jehova at ng kaniyang mga tuntunin sa Israel: 12  “Si Artajerjes,+ na hari ng mga hari,+ kay Ezra na saserdote, na tagakopya ng kautusan ng Diyos ng langit:+ Mapasakdal nawa ang kapayapaan.+ At ngayon 13  isang utos+ ang inilabas ko na ang bawat isa sa aking nasasakupan+ na mula sa bayan ng Israel at ang kanilang mga saserdote at ang mga Levita na nagnanais na pumaroong kasama mo sa Jerusalem ay dapat na pumaroon.+ 14  Yamang mula sa harap ng hari at ng kaniyang pitong tagapayo+ ay may isang utos na ipinadala upang magsiyasat+ may kinalaman sa Juda at sa Jerusalem sa kautusan+ ng iyong Diyos+ na nasa iyong kamay, 15  at upang dalhin ang pilak at ang ginto na kusang-loob na ibinigay+ ng hari at ng kaniyang mga tagapayo sa Diyos ng Israel, na ang tahanan ay nasa Jerusalem,+ 16  pati ang lahat ng pilak at ginto na masusumpungan mo sa buong nasasakupang distrito ng Babilonya lakip na ang kaloob ng bayan+ at ng mga saserdote na kusang-loob na nagbibigay sa bahay ng kanilang Diyos,+ na nasa Jerusalem; 17  sa gayon ay kaagad mong ibibili ang salaping ito ng mga toro,+ mga barakong tupa,+ mga kordero+ at ng kanilang mga handog na mga butil+ at ng kanilang mga handog na inumin+ at ihahain mo ang mga iyon sa ibabaw ng altar ng bahay ng inyong Diyos,+ na nasa Jerusalem.+ 18  “At anuman ang waring mabuti sa iyo at sa iyong mga kapatid na gawin sa natirang pilak at ginto,+ ayon sa kalooban+ ng inyong Diyos, ay gagawin ninyo.+ 19  At ang mga sisidlang+ ibinibigay sa iyo para sa paglilingkod sa bahay ng iyong Diyos ay dalhin mong lahat sa harap ng Diyos sa Jerusalem.+ 20  At ang iba pang mga pangangailangan sa bahay ng iyong Diyos na maaatang sa iyo upang ibigay, ibibigay mo iyon mula sa bahay ng kayamanan ng hari.+ 21  “At ako naman, si Artajerjes na hari, ay naglabas ng isang utos+ sa lahat ng ingat-yamang+ nasa kabilang ibayo ng Ilog,+ na ang lahat ng bagay na hilingin sa inyo ni Ezra+ na saserdote, na tagakopya ng kautusan ng Diyos ng langit, isasagawa ito kaagad, 22  maging hanggang sa isang daang talento+ na pilak at isang daang takal na kor+ ng trigo at isang daang takal na bat+ ng alak+ at isang daang takal na bat ng langis,+ at asin+ na walang takdang dami. 23  Ang lahat ng ayon sa utos+ ng Diyos ng langit ay gawin nang may sigasig+ para sa bahay ng Diyos ng langit,+ upang walang poot na dumating laban sa nasasakupan ng hari at sa kaniyang mga anak.+ 24  At sa inyo ay ipinaaalam, na kung tungkol sa sinuman sa mga saserdote+ at sa mga Levita,+ mga manunugtog,+ mga bantay-pinto,+ mga Netineo,+ at mga manggagawa sa bahay na ito ng Diyos, walang buwis, tributo+ o singil+ ang ipahihintulot na ipataw sa kanila. 25  “At ikaw, Ezra, ayon sa karunungan+ ng iyong Diyos na nasa iyong kamay ay mag-atas ka ng mga mahistrado at mga hukom upang patuluyan silang makahatol+ sa buong bayang nasa kabilang ibayo ng Ilog, ang lahat nga niyaong nakaaalam ng mga kautusan ng iyong Diyos; at ang sinumang hindi pa nakaaalam ng mga iyon ay tuturuan ninyo.+ 26  At kung tungkol sa sinumang hindi maging tagatupad ng kautusan ng iyong Diyos+ at ng kautusan ng hari, kaagad na ilapat sa kaniya ang kahatulan, ukol man sa kamatayan+ o ukol sa pagpapalayas,+ o ukol sa multang salapi+ o ukol sa pagkabilanggo.” 27  Pagpalain nawa si Jehova na Diyos ng ating mga ninuno,+ na naglagay ng ganitong bagay sa puso+ ng hari, upang pagandahin+ ang bahay ni Jehova, na nasa Jerusalem! 28  At sa akin ay naggawad siya ng maibiging-kabaitan+ sa harap ng hari at ng kaniyang mga tagapayo+ at may kinalaman sa lahat ng makapangyarihang prinsipe ng hari. At ako naman ay nagpakalakas kaayon ng kamay+ ni Jehova na aking Diyos na sumasaakin, at tinipon ko mula sa Israel ang mga pangulo upang umahong kasama ko.

Talababa