Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

Awit 73:1-28

Awitin ni Asap.+ 73  Ang Diyos ay tunay na mabuti sa Israel, doon sa mga may malinis na puso.+   Kung tungkol sa akin, ang aking mga paa ay muntik nang mapaliko,+ Ang aking mga hakbang ay muntik nang madupilas.+   Sapagkat nainggit ako sa mga hambog,+ Kapag nakikita ko ang kapayapaan ng mga taong balakyot.+   Sapagkat wala silang nakamamatay na mga hapdi;+ At ang kanilang tiyan ay matataba.+   Wala man lamang sila sa kabagabagan ng taong mortal,+ At hindi sila sinasalot na katulad ng ibang mga tao.+   Kaya ang kapalaluan ay nagsilbing isang kuwintas sa kanila;+ Binabalot sila ng karahasan na gaya ng kasuutan.+   Ang kanilang mata ay lumuwa sa katabaan;+ Nahigitan nila ang mga guniguni ng puso.+   Nanunudyo sila at nagsasalita ng tungkol sa kasamaan;+ Tungkol sa pandaraya ay nagsasalita sila sa matayog na paraan.+   Inilagay nila ang kanilang bibig sa mismong langit,+ At ang kanilang dila ay lumilibot sa lupa.+ 10  Kaya ibinabalik niya rito ang kaniyang bayan, At ang tubig niyaong punô ay sinasaid para sa kanila. 11  At sinabi nila: “Paanong nalaman ng Diyos?+ At may kaalaman ba sa Kataas-taasan?”+ 12  Narito! Ito ang mga balakyot, na panatag sa habang panahon.+ Pinalago nila ang kanilang kabuhayan.+ 13  Tunay na walang kabuluhan ang paglilinis ko ng aking puso+ At ang paghuhugas ko ng aking mga kamay sa kawalang-sala.+ 14  At ako ay sinasalot sa buong araw,+ At ang pagtutuwid sa akin ay tuwing umaga.+ 15  Kung sinabi ko: “Magkukuwento ako ng tulad niyan,” Narito! laban sa salinlahi ng iyong mga anak Ako ay kumilos nang may kataksilan.+ 16  At nag-isip-isip ako upang malaman ito;+ Ito ay kabagabagan sa aking paningin, 17  Hanggang sa ako ay pumasok sa maringal na santuwaryo ng Diyos.+ Ninais kong matalos ang kanilang kinabukasan.+ 18  Tunay na inilalagay mo sila sa madulas na dako.+ Inilugmok mo sila sa pagkawasak.+ 19  O ano’t sila ay naging bagay na panggigilalasan sa isang sandali!+ Ano’t sumapit sila sa kanilang kawakasan, sumapit sa kanilang katapusan sa pamamagitan ng mga biglaang kakilabutan! 20  Tulad ng isang panaginip pagkagising, O Jehova,+ Gayon mo hahamakin ang kanila mismong larawan kapag gumising ka.+ 21  Sapagkat ang aking puso ay pumait+ At sa aking mga bato ay nagkaroon ako ng matinding kirot,+ 22  At ako ay naging walang katuwiran at hindi ako makaalam;+ Ako ay naging gaya lamang ng mga hayop sa iyong pangmalas.+ 23  Ngunit ako ay palagi mong kasama;+ Tinanganan mo ang aking kanang kamay.+ 24  Papatnubayan mo ako ng iyong payo,+ At pagkatapos ay dadalhin mo ako sa kaluwalhatian.+ 25  Sino ang aasahan ko sa langit?+ At bukod sa iyo ay wala na akong ibang kaluguran sa lupa.+ 26  Ang aking katawan at ang aking puso ay nanghina.+ Ang Diyos ay ang bato ng aking puso at ang aking bahagi hanggang sa panahong walang takda.+ 27  Sapagkat, narito! sila mismong lumalayo sa iyo ay malilipol.+ Tiyak na patatahimikin mo ang lahat ng humihiwalay sa iyo sa imoral na paraan.+ 28  Ngunit kung tungkol sa akin, ang paglapit sa Diyos ay mabuti para sa akin.+ Ang Soberanong Panginoong Jehova ang ginawa kong aking kanlungan,+ Upang ipahayag ang lahat ng iyong mga gawa.+

Talababa