Pumunta sa nilalaman

Pumunta sa pangalawahing menu

Pumunta sa talaan ng mga nilalaman

Mga Saksi ni Jehova

Tagalog

Bibliya Online | BAGONG SANLIBUTANG SALIN NG BANAL NA KASULATAN

Awit 59:1-17

Sa tagapangasiwa. “Huwag kang magpahamak.” Ni David. Miktam. Nang magsugo si Saul, at binabantayan nila ang bahay, upang patayin siya.+ 59  Iligtas mo ako mula sa aking mga kaaway, O Diyos ko;+ Ipagsanggalang mo nawa ako mula sa mga bumabangon laban sa akin.+   Sagipin mo ako mula sa mga nagsasagawa ng bagay na nakasasakit,+ At iligtas mo ako mula sa mga taong may pagkakasala sa dugo.   Sapagkat, narito! inaabangan nila ang aking kaluluwa;+ Dinadaluhong ako ng malalakas,+ Hindi dahil sa aking pagsalansang, ni sa anumang kasalanan ko, O Jehova.+   Bagaman walang kamalian, tumatakbo sila at naghahanda.+ Gumising ka sa aking pagtawag at tingnan mo.+   At ikaw, O Jehova na Diyos ng mga hukbo, na Diyos ng Israel.+ Gumising ka upang ibaling ang iyong pansin sa lahat ng mga bansa.+ Huwag kang magpakita ng lingap sa sinumang mapanakit na mga traidor.+ Selah.   Lagi silang bumabalik sa kinagabihan;+ Tumatahol silang gaya ng aso+ at lumilibot sa lunsod.+   Narito! Pinabubukal nila ang kanilang bibig;+ Mga tabak ang nasa kanilang mga labi,+ Sapagkat sino ang nakikinig?+   Ngunit pagtatawanan mo sila, O Jehova;+ Ilalagay mo sa kaalipustaan ang lahat ng mga bansa.+   O aking Kalakasan, mananatili akong nagbabantay sa iyo;+ Sapagkat ang Diyos ang aking matibay na kaitaasan.+ 10  Ang Diyos ng maibiging-kabaitan sa akin ang siyang sasalubong sa akin;+ Pangyayarihin ng Diyos na pagmasdan ko ang aking mga kagalit.+ 11  Huwag mo silang patayin, upang ang aking bayan ay hindi makalimot.+ Sa pamamagitan ng iyong kalakasan ay pagala-galain mo sila,+ At ibagsak mo sila, O aming kalasag na si Jehova,+ 12  Dahil sa kasalanan ng kanilang bibig, ang salita ng kanilang mga labi;+ At mahuli nawa sila sa kanilang pagmamapuri,+ Dahil nga sa pagsumpa at sa panlilinlang na kanilang inuulit-ulit. 13  Sa pagngangalit ay pasapitin mo sila sa kawakasan;+ Pasapitin mo sila sa kawakasan, upang sila ay mawala; At malaman nawa nila na ang Diyos ay namamahala sa Jacob hanggang sa mga dulo ng lupa.+ Selah. 14  At pabalikin mo nawa sila sa kinagabihan; Patahulin mo nawa silang gaya ng aso at palibutin mo sila sa lunsod.+ 15  Pagala-galain mo nawa ang mga ito upang humanap ng makakain;+ Huwag mo nawa silang busugin o patuluyin sa buong magdamag.+ 16  Ngunit kung tungkol sa akin, ako ay aawit tungkol sa iyong kalakasan,+ At sa umaga ay ipahahayag ko nang may kagalakan ang tungkol sa iyong maibiging-kabaitan.+ Sapagkat ikaw ay naging isang matibay na kaitaasan para sa akin+ At isang dakong matatakbuhan sa araw ng aking kabagabagan.+ 17  O aking Kalakasan, sa iyo ay aawit ako,+ Sapagkat ang Diyos ang aking matibay na kaitaasan, ang Diyos ng maibiging-kabaitan sa akin.+

Talababa