Pumunta sa nilalaman

Pumunta sa pangalawahing menu

Pumunta sa talaan ng mga nilalaman

Mga Saksi ni Jehova

Tagalog

Bibliya Online | BAGONG SANLIBUTANG SALIN NG BANAL NA KASULATAN

Awit 50:1-23

Awitin ni Asap.+ 50  Ang Makapangyarihan,+ ang Diyos, si Jehova,+ ang siyang nagsalita,+ At tinatawag niya ang lupa,+ Mula sa pagsikat ng araw hanggang sa paglubog nito.+   Mula sa Sion, ang kasakdalan ng kariktan,+ ay suminag ang Diyos.+   Ang ating Diyos ay darating at hindi makapananatiling tahimik.+ Sa harap niya ay may lumalamong apoy,+ At sa buong palibot niya ay naging lubhang mabagyo ang panahon.+   Tumatawag siya sa langit sa itaas at sa lupa+ Upang maglapat ng kahatulan sa kaniyang bayan:+   “Tipunin ninyo sa akin ang aking mga matapat,+ Yaong mga nagtitibay ng aking tipan sa pamamagitan ng hain.”+   At ang langit ay nagsasaysay ng kaniyang katuwiran,+ Sapagkat ang Diyos ang siyang Hukom.+ Selah.   “Makinig ka, O bayan ko, at ako ay magsasalita,+ O Israel, at magpapatotoo ako laban sa iyo.+ Ako ang Diyos, ang iyong Diyos.+   Hindi kita sinasaway may kinalaman sa iyong mga hain,+ Ni may kinalaman sa iyong mga buong handog na sinusunog na laging nasa harap ko.+   Hindi ako kukuha ng toro mula sa iyong bahay,+ Ng mga kambing na lalaki mula sa iyong mga kural. 10  Sapagkat akin ang bawat mailap na hayop sa kagubatan,+ Ang mga hayop sa ibabaw ng isang libong bundok.+ 11  Nakikilala kong lubos ang bawat may-pakpak na nilalang sa mga bundok,+ At ang makakapal na kawan ng mga hayop sa malawak na parang ay nasa akin.+ 12  Kung ako ay gutóm, hindi ko sasabihin sa iyo; Sapagkat ang mabungang lupain+ at ang kabuuan nito ay sa akin.+ 13  Kakainin ko ba ang karne ng malalakas na toro,+ At iinumin ko ba ang dugo ng mga kambing na lalaki?+ 14  Maghandog ka ng pasasalamat bilang iyong hain sa Diyos,+ At tuparin mo sa Kataas-taasan ang iyong mga panata;+ 15  At tawagin mo ako sa araw ng kabagabagan.+ Ililigtas kita, at luluwalhatiin+ mo ako.” 16  Ngunit sa balakyot ay sasabihin ng Diyos:+ “Ano ang karapatan mo upang isa-isahin ang aking mga tuntunin,+ At upang taglayin mo sa iyong bibig ang aking tipan?+ 17  Aba, ikaw—ikaw ay napopoot sa disiplina,+ At lagi mong iwinawaksi sa likuran mo ang aking mga salita.+ 18  Kapag nakakita ka ng magnanakaw, nalulugod ka pa nga sa kaniya;+ At ang iyong pakikibahagi ay sa mga mangangalunya.+ 19  Pinakakawalan mo ang iyong bibig sa kasamaan,+ At ang iyong dila ay lagi mong inilalakip sa panlilinlang.+ 20  Ikaw ay umuupo at nagsasalita laban sa iyong sariling kapatid,+ Nagbubunyag ka ng pagkakamali laban sa anak ng iyong ina.+ 21  Ang mga bagay na ito ay ginawa mo, at nanatili akong tahimik.+ Inakala mong ako ay tiyak na magiging gaya mo.+ Sasawayin kita,+ at itutuwid ko ang mga bagay-bagay sa harap ng iyong mga mata.+ 22  Unawain ninyo ito, pakisuyo, ninyong mga lumilimot sa Diyos,+ Upang hindi ko kayo lurayin nang walang sinumang tagapagligtas.+ 23  Ang naghahandog ng pasasalamat bilang kaniyang hain ang siyang lumuluwalhati sa akin;+ At sa isa namang nananatili sa takdang daan, Ipakikita ko sa kaniya ang pagliligtas ng Diyos.”+

Talababa