Pumunta sa nilalaman

Pumunta sa pangalawahing menu

Pumunta sa talaan ng mga nilalaman

Mga Saksi ni Jehova

Tagalog

Bibliya Online | BAGONG SANLIBUTANG SALIN NG BANAL NA KASULATAN

Awit 49:1-20

Sa tagapangasiwa. Ng mga anak ni Kora.+ Isang awitin. 49  Dinggin ninyo ito, ninyong lahat na mga bayan. Makinig kayo, kayong lahat na tumatahan sa sistema ng mga bagay,+   Kayong mga anak ng sangkatauhan at gayundin kayong mga anak ng tao, Kapuwa ikaw na mayaman at ikaw na dukha.+   Ang aking bibig ay magsasalita ng mga bagay tungkol sa karunungan,+ At ang pagbubulay-bulay ng aking puso ay sa mga bagay tungkol sa unawa.+   Ikikiling ko ang aking tainga sa isang kasabihan;+ Isisiwalat ko ang aking bugtong+ sa pamamagitan ng alpa.   Bakit ako matatakot sa mga araw ng kasamaan,+ Kapag ang kamalian ng mga kaagaw ko ay nakapalibot sa akin?+   Yaong mga nagtitiwala sa kanilang kabuhayan,+ At laging naghahambog tungkol sa kasaganaan ng kanilang kayamanan,+   Walang isa man sa kanila ang sa paanuman ay makatutubos sa kaniyang kapatid,+ Ni makapagbibigay man sa Diyos ng pantubos para sa kaniya;   (At ang halagang pantubos sa kanilang kaluluwa ay napakamahal+ Anupat ito ay naglikat hanggang sa panahong walang takda)   Upang mabuhay pa siya magpakailanman at hindi niya makita ang hukay.+ 10  Sapagkat nakikita niya na maging ang marurunong ay namamatay,+ Magkasamang pumapanaw ang hangal at ang walang-katuwiran,+ At iiwan nila sa iba ang kanilang kabuhayan.+ 11  Ang kanilang panloob na pagnanais ay na manatili ang kanilang mga bahay hanggang sa panahong walang takda,+ Ang kanilang mga tabernakulo sa sali’t salinlahi.+ Tinatawag nila ang kanilang mga lupaing ari-arian ayon sa kanilang mga pangalan.+ 12  Magkagayunman ang makalupang tao, bagaman may karangalan, ay hindi namamalagi;+ Siya ay maihahambing nga sa mga hayop na pumanaw.+ 13  Ito ang lakad ng mga may kahangalan,+ At ng mga sumusunod sa kanila na nalulugod sa kanilang mga pananalita. Selah. 14  Sila ay nakatalaga sa Sheol+ na gaya ng mga tupa; Kamatayan ang magpapastol sa kanila;+ At ang mga matuwid ay magpupuno sa kanila sa kinaumagahan,+ At ang kanilang mga anyo ay maaagnas;+ Ang Sheol sa halip na isang marangal na tahanan ang ukol sa bawat isa.+ 15  Gayunman, tutubusin ng Diyos ang aking kaluluwa mula sa kamay ng Sheol,+ Sapagkat tatanggapin niya ako. Selah. 16  Huwag kang matakot kapag may taong nagtatamo ng kayamanan,+ Kapag ang kaluwalhatian ng kaniyang bahay ay lumalago,+ 17  Sapagkat sa kaniyang kamatayan ay wala siyang madadalang anuman;+ Ang kaniyang kaluwalhatian ay hindi bababang kasama niya.+ 18  Sapagkat sa buong buhay niya ay pinagpapala niya ang kaniyang sariling kaluluwa;+ (At pupurihin ka ng mga tao sapagkat gumagawa ka ng mabuti sa iyong sarili)+ 19  Ang kaniyang kaluluwa sa wakas ay nakararating lamang hanggang sa salinlahi ng kaniyang mga ninuno.+ Kailanman ay hindi na nila makikita ang liwanag.+ 20  Ang makalupang tao, na bagaman may karangalan ay hindi nakauunawa,+ Ay maihahambing nga sa mga hayop na pumanaw.+

Talababa