Pumunta sa nilalaman

Pumunta sa pangalawahing menu

Pumunta sa talaan ng mga nilalaman

Mga Saksi ni Jehova

Tagalog

Bibliya Online | BAGONG SANLIBUTANG SALIN NG BANAL NA KASULATAN

Awit 41:1-13

Sa tagapangasiwa. Awitin ni David. 41  Maligaya ang sinumang gumagawi nang may pakundangan sa maralita;+ Sa araw ng kapahamakan ay paglalaanan siya ni Jehova ng pagtakas.+   Babantayan siya ni Jehova at iingatan siyang buháy.+ Ipahahayag siyang maligaya sa lupa;+ At hindi mo siya maibibigay sa kaluluwa ng kaniyang mga kaaway.+   Aalalayan siya ni Jehova sa kama ng karamdaman;+ Ang buong higaan niya ay papalitan mo nga sa panahon ng kaniyang pagkakasakit.+   Sa ganang akin, sinabi ko: “O Jehova, pagpakitaan mo ako ng lingap.+ Pagalingin mo ang aking kaluluwa, sapagkat nagkasala ako laban sa iyo.”+   Kung tungkol sa aking mga kaaway, nagsasabi sila ng masama tungkol sa akin:+ “Kailan ba siya mamamatay at ang kaniyang pangalan ay talagang maglalaho?”   At kung may dumating upang makita ako, kabulaanan ang sasalitain ng kaniyang puso;+ Magtitipon siya sa ganang kaniya ng bagay na nakasasakit; Lalabas siya; sa labas ay sasalitain niya iyon.+   May-pagkakaisang nagbubulung-bulungan laban sa akin ang lahat ng napopoot sa akin;+ Laban sa akin ay lagi silang nagpapakana ng kasamaan para sa akin:+   “Isang walang-kabuluhang bagay ang nabuhos sa kaniya;+ Ngayong nakahiga na siya, hindi na siya muling babangon pa.”+   Gayundin ang taong may pakikipagpayapaan sa akin, na pinagtiwalaan ko,+ Na kumakain ng aking tinapay,+ ay nag-angat ng kaniyang sakong laban sa akin.+ 10  Kung tungkol sa iyo, O Jehova, pagpakitaan mo ako ng lingap at ibangon mo ako,+ Upang magantihan ko sila.+ 11  Sa ganito ay nalalaman kong kinalugdan mo ako, Sapagkat ang aking kaaway ay hindi sumisigaw nang may pagbubunyi laban sa akin.+ 12  Kung tungkol sa akin, dahil sa aking katapatan ay itinaguyod mo ako,+ At ilalagay mo ako sa harap ng iyong mukha hanggang sa panahong walang takda.+ 13  Pagpalain nawa si Jehova na Diyos ng Israel+ Mula sa panahong walang takda at maging hanggang sa panahong walang takda.+ Amen at Amen.+

Talababa