Pumunta sa nilalaman

Pumunta sa pangalawahing menu

Pumunta sa talaan ng mga nilalaman

Mga Saksi ni Jehova

Tagalog

Bibliya Online | BAGONG SANLIBUTANG SALIN NG BANAL NA KASULATAN

Awit 40:1-17

Sa tagapangasiwa. Ni David, isang awitin. 40  May-pananabik akong umasa kay Jehova,+ Kung kaya ikiniling niya sa akin ang kaniyang pandinig at dininig ang aking paghingi ng tulong.+   Iniahon din niya ako mula sa umuugong na hukay,+ Mula sa lusak ng burak.+ Pagkatapos ay itinuntong niya ang aking mga paa sa isang malaking bato;+ Itinatag niya nang matibay ang aking mga hakbang.+   Isa pa, naglagay siya sa aking bibig ng isang bagong awit, Papuri sa ating Diyos.+ Marami ang makakakita niyaon at matatakot,+ At magtitiwala sila kay Jehova.+   Maligaya ang matipunong lalaki na ginagawang kaniyang tiwala si Jehova+ At hindi nagbaling ng kaniyang mukha sa mga taong sumasalansang, Ni sa mga nahuhulog sa mga kasinungalingan.+   Maraming bagay ang iyong ginawa,+ O Jehova na aking Diyos, maging ang iyong mga kamangha-manghang gawa at ang iyong mga kaisipan sa amin;+ Walang sinumang maihahambing sa iyo.+ Naisin ko mang saysayin at salitain ang tungkol sa mga iyon, Ang mga iyon ay mas marami kaysa sa kaya kong isalaysay.+   Ang hain at handog ay hindi mo kinalugdan;+ Ang mga tainga kong ito ay binuksan mo.+ Ang handog na sinusunog at ang handog ukol sa kasalanan ay hindi mo hiningi.+   Sa dahilang iyan, sinabi ko: “Narito, ako ay dumating,+ Sa balumbon ng aklat ay nakasulat iyon tungkol sa akin.+   Ang gawin ang iyong kalooban, O Diyos ko, ay kinalulugdan ko,+ At ang iyong kautusan ay nasa aking mga panloob na bahagi.+   Inihayag ko ang mabuting balita ng katuwiran sa malaking kongregasyon.+ Narito! Ang aking mga labi ay hindi ko pinipigilan.+ O Jehova, nalalaman mo iyan nang lubos.+ 10  Ang iyong katuwiran ay hindi ko tinakpan sa loob ng aking puso.+ Ang iyong katapatan at ang iyong pagliligtas ay ipinahayag ko.+ Hindi ko itinago ang iyong maibiging-kabaitan at ang iyong katotohanan sa malaking kongregasyon.”+ 11  O Jehova, huwag mong ipagkait sa akin ang iyong habag.+ Ingatan nawa akong lagi ng iyong maibiging-kabaitan at ng iyong katotohanan.+ 12  Sapagkat pinalibutan ako ng mga kapahamakan hanggang sa hindi na mabilang ang mga iyon.+ Inabutan ako ng mga kamalian ko na higit pa kaysa sa kaya kong tingnan;+ Ang mga iyon ay naging mas marami kaysa sa mga buhok sa aking ulo,+ At iniwan ako ng aking puso.+ 13  Kalugdan mo nawa, O Jehova, ang pagliligtas sa akin.+ O Jehova, sa pagtulong sa akin ay magmadali ka.+ 14  Mapahiya nawa at malito silang sama-sama+ Yaong mga naghahanap sa aking kaluluwa upang lipulin ito.+ Mapaurong nawa at maaba yaong mga nalulugod sa aking kapahamakan.+ 15  Tumitig nawa sila sa pagkamangha dahil sa kanilang kahihiyan+ Yaong mga nagsasabi sa akin: “Aha! Aha!”+ 16  Magbunyi nawa sila at magsaya sa iyo,+ Lahat niyaong mga humahanap sa iyo.+ Lagi nawa nilang sabihin: “Dakilain nawa si Jehova,”+ Niyaong mga umiibig sa iyong pagliligtas.+ 17  Ngunit ako ay napipighati at dukha.+ Pinahahalagahan ako ni Jehova.+ Ikaw ang tulong sa akin at ang Tagapaglaan ko ng pagtakas.+ O Diyos ko, huwag kang lubhang magluwat.+

Talababa