Pumunta sa nilalaman

Pumunta sa pangalawahing menu

Pumunta sa talaan ng mga nilalaman

Mga Saksi ni Jehova

Tagalog

Bibliya Online | BAGONG SANLIBUTANG SALIN NG BANAL NA KASULATAN

Awit 34:1-22

Ni David, noong panahon ng pagbabalatkayo niya ng kaniyang katinuan+ sa harap ni Abimelec, anupat pinalayas siya nito, at siya ay umalis. א [Alep] 34  Pagpapalain ko si Jehova sa lahat ng panahon;+ Ang papuri sa kaniya ay laging sasaaking bibig.+ ב [Bet]   Si Jehova ay ipaghahambog ng aking kaluluwa;+ Maririnig ng maaamo at magsasaya sila.+ ג [Gimel]   O dakilain ninyong kasama ko si Jehova,+ At itanyag nating sama-sama ang kaniyang pangalan.+ ד [Dalet]   Nagtanong ako kay Jehova, at sinagot niya ako,+ At mula sa lahat ng aking pagkatakot ay iniligtas niya ako.+ ה [He]   Sila ay tumingin sa kaniya at nagningning,+ At ang kanilang mga mukha ay talagang hindi mapapahiya.+ ז [Zayin]   Ang napipighating ito ay tumawag, at dininig ni Jehova.+ At mula sa lahat ng kaniyang mga kabagabagan ay iniligtas Niya siya.+ ח [Ket]   Ang anghel ni Jehova ay nagkakampo sa buong palibot niyaong mga may takot sa kaniya,+ At inililigtas niya sila.+ ט [Tet]   Tikman ninyo at tingnan na si Jehova ay mabuti;+ Maligaya ang matipunong lalaki na nanganganlong sa kaniya.+ י [Yod]   Matakot kayo kay Jehova, kayong mga banal niya,+ Sapagkat walang kakulangan sa mga may takot sa kaniya.+ כ [Kap] 10  Ang mga may-kilíng na batang leon ay kinakapos at nagugutom;+ Ngunit yaong mga humahanap kay Jehova, hindi sila kukulangin ng anumang bagay na mabuti.+ ל [Lamed] 11  Halikayo, kayong mga anak, makinig kayo sa akin;+ Ang pagkatakot kay Jehova ang ituturo ko sa inyo.+ מ [Mem] 12  Sino ang taong nalulugod sa buhay,+ Na umiibig sa sapat na dami ng mga araw upang makakita ng mabuti?+ נ [Nun] 13  Ingatan mo ang iyong dila laban sa kasamaan,+ At ang iyong mga labi laban sa pagsasalita ng panlilinlang.+ ס [Samek] 14  Talikuran mo ang kasamaan, at gawin mo ang mabuti;+ Hanapin mo ang kapayapaan, at itaguyod mo iyon.+ ע [Ayin] 15  Ang mga mata ni Jehova ay nakatingin sa mga matuwid,+ At ang kaniyang mga tainga ay nakatuon sa kanilang paghingi ng tulong.+ פ [Pe] 16  Ang mukha ni Jehova ay laban sa mga gumagawa ng masama,+ Upang pawiin ang pagbanggit sa kanila mula sa mismong lupa.+ צ [Tsade] 17  Sila ay dumaing, at dininig ni Jehova,+ At mula sa lahat ng kanilang mga kabagabagan ay iniligtas niya sila.+ ק [Kop] 18  Si Jehova ay malapit sa mga wasak ang puso;+ At yaong mga may espiritung nasisiil ay inililigtas niya.+ ר [Res] 19  Marami ang mga kapahamakan ng matuwid,+ Ngunit mula sa lahat ng mga iyon ay inililigtas siya ni Jehova.+ ש [Shin] 20  Binabantayan niya ang lahat ng mga buto ng isang iyon; Walang isa man sa mga iyon ang nabali.+ ת [Taw] 21  Papatayin ng kapahamakan ang balakyot;+ At ang mga napopoot sa matuwid ay ituturing na may-sala.+ 22  Tinutubos ni Jehova ang kaluluwa ng kaniyang mga lingkod;+ At walang sinuman sa mga nanganganlong sa kaniya ang ituturing na may-sala.+

Talababa