Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

Awit 147:1-20

147  Purihin ninyo si Jah,+ Sapagkat mabuti ang umawit sa ating Diyos;+ Sapagkat kaiga-igaya—ang papuri ay nararapat.+   Itinatayo ni Jehova ang Jerusalem;+ Ang mga pinangalat mula sa Israel ay tinitipon niya.+   Pinagagaling+ niya ang mga may pusong wasak,+ At tinatalian niya ang kanilang makikirot na bahagi.+   Tinutuos niya ang bilang ng mga bituin;+ Silang lahat ay tinatawag niya ayon sa kanilang mga pangalan.+   Ang ating Panginoon ay dakila at sagana sa kapangyarihan;+ Ang kaniyang unawa ay higit pa sa maisasalaysay.+   Pinagiginhawa ni Jehova ang maaamo;+ Ibinababa niya sa lupa ang mga balakyot.+   Tumugon kayo kay Jehova na may pasasalamat;+ Tumugtog kayo sa alpa para sa ating Diyos,+   Sa Isa na nagtatakip ng mga ulap sa langit,+ Sa Isa na naghahanda ng ulan para sa lupa,+ Sa Isa na nagpapasibol ng luntiang damo sa mga bundok.+   Sa mga hayop ay nagbibigay siya ng kanilang pagkain,+ Sa mga inakáy na uwak na laging tumatawag.+ 10  Hindi siya nalulugod sa kalakasan ng kabayo,+ Ni nakasusumpong man siya ng kaluguran sa mga binti ng tao.+ 11  Si Jehova ay nakasusumpong ng kaluguran sa mga may takot sa kaniya,+ Sa mga naghihintay sa kaniyang maibiging-kabaitan.+ 12  Papurihan mo si Jehova,+ O Jerusalem. Purihin mo ang iyong Diyos, O Sion.+ 13  Sapagkat tinibayan niya ang mga halang ng iyong mga pintuang-daan; Pinagpala niya ang iyong mga anak sa loob mo.+ 14  Naglalagay siya ng kapayapaan sa iyong teritoryo;+ Binubusog ka niyang palagi sa taba ng trigo.+ 15  Isinusugo niya ang kaniyang pananalita sa lupa;+ Mabilis na tumatakbo ang kaniyang salita. 16  Nagbibigay siya ng niyebeng tulad ng lana;+ Nagpapangalat siya ng nagyelong hamog na tulad ng abo.+ 17  Inihahagis niya ang kaniyang yelo na tulad ng maliliit na putol.+ Sa harap ng kaniyang lamig ay sino ang makatatayo?+ 18  Isinusugo niya ang kaniyang salita+ at tinutunaw niya ang mga iyon. Pinahihihip niya ang kaniyang hangin;+ Ang tubig ay pumapatak. 19  Sinasabi niya ang kaniyang salita sa Jacob,+ Ang kaniyang mga tuntunin+ at ang kaniyang mga hudisyal na pasiya sa Israel.+ 20  Hindi niya ginawa ang gayon sa alinpamang bansa;+ At kung tungkol sa kaniyang mga hudisyal na pasiya, hindi nila alam ang mga iyon.+ Purihin ninyo si Jah!+

Talababa