Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

Awit 145:1-21

Isang papuri, ni David. א [Alep] 145  Dadakilain kita, O aking Diyos na Hari,+ At pagpapalain ko ang iyong pangalan hanggang sa panahong walang takda, magpakailan-kailanman.+ ב [Bet]   Buong araw kitang pagpapalain,+ At pupurihin ko ang iyong pangalan hanggang sa panahong walang takda, magpakailan-kailanman.+ ג [Gimel]   Si Jehova ay dakila at lubhang marapat na purihin,+ At ang kaniyang kadakilaan ay di-masaliksik.+ ד [Dalet]   Papupurihan ng sali’t salinlahi ang iyong mga gawa,+ At ipahahayag nila ang tungkol sa iyong makapangyarihang mga gawa.+ ה [He]   Ang maluwalhating karilagan ng iyong dangal+ At ang tungkol sa iyong mga kamangha-manghang gawa ay pagtutuunan ko ng pansin.+ ו [Waw]   At magsasalita sila tungkol sa kalakasan ng iyong mga kakila-kilabot na bagay;+ At tungkol naman sa iyong kadakilaan, ipahahayag ko iyon.+ ז [Zayin]   Sa pagbanggit ng kasaganaan ng iyong kabutihan ay mag-uumapaw sila,+ At dahil sa iyong katuwiran ay hihiyaw sila nang may kagalakan.+ ח [Ket]   Si Jehova ay magandang-loob at maawain,+ Mabagal sa pagkagalit at dakila sa maibiging-kabaitan.+ ט [Tet]   Si Jehova ay mabuti sa lahat,+ At ang kaniyang kaawaan ay nasa lahat ng kaniyang mga gawa.+ י [Yod] 10  Pupurihin ka ng lahat ng iyong mga gawa, O Jehova,+ At pagpapalain ka ng iyong mga matapat.+ כ [Kap] 11  Tungkol sa kaluwalhatian ng iyong paghahari ay mangungusap sila,+ At tungkol sa iyong kalakasan ay magsasalita sila,+ ל [Lamed] 12  Upang ipaalam sa mga anak ng mga tao ang kaniyang makapangyarihang mga gawa+ At ang kaluwalhatian ng karilagan ng kaniyang paghahari.+ מ [Mem] 13  Ang iyong paghahari ay isang paghahari sa lahat ng panahong walang takda,+ At ang iyong pamumuno ay sa lahat ng sunud-sunod na salinlahi.+ ס [Samek] 14  Si Jehova ay umaalalay sa lahat ng nabubuwal,+ At nagbabangon sa lahat ng nakayukod.+ ע [Ayin] 15  Sa iyo nakatingin nang may pag-asam ang mga mata ng lahat,+ At binibigyan mo sila ng kanilang pagkain sa kapanahunan.+ פ [Pe] 16  Binubuksan mo ang iyong kamay+ At sinasapatan mo ang nasa ng bawat bagay na may buhay.+ צ [Tsade] 17  Si Jehova ay matuwid sa lahat ng kaniyang mga daan+ At matapat sa lahat ng kaniyang mga gawa.+ ק [Kop] 18  Si Jehova ay malapit sa lahat ng tumatawag sa kaniya,+ Sa lahat ng tumatawag sa kaniya sa katapatan.+ ר [Res] 19  Ang nasa ng mga may takot sa kaniya ay kaniyang isasagawa,+ At ang kanilang paghingi ng tulong ay kaniyang diringgin, at ililigtas niya sila.+ ש [Shin] 20  Binabantayan ni Jehova ang lahat ng umiibig sa kaniya,+ Ngunit ang lahat ng balakyot ay lilipulin niya.+ ת [Taw] 21  Ang papuri kay Jehova ay sasalitain ng aking bibig;+ At pagpalain nawa ng lahat ng laman ang kaniyang banal na pangalan hanggang sa panahong walang takda, magpakailan-kailanman.+

Talababa