Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

Awit 143:1-12

Awitin ni David. 143  O Jehova, dinggin mo ang aking panalangin;+ Pakinggan mo ang aking pamamanhik.+ Sa iyong katapatan ay sagutin mo ako sa iyong katuwiran.+   At huwag kang pumasok sa kahatulan na kasama ng iyong lingkod;+ Sapagkat sa harap mo ay walang sinumang buháy ang maaaring maging matuwid.+   Sapagkat tinugis ng kaaway ang aking kaluluwa;+ Dinurog niya ang aking buhay hanggang sa mismong lupa.+ Pinatahan niya ako sa madidilim na dako tulad ng mga patay hanggang sa panahong walang takda.+   At ang aking espiritu+ ay nanlulupaypay sa loob ko; Sa loob ko ay namamanhid ang aking puso.+   Naaalaala ko ang mga araw noong sinaunang panahon;+ Binubulay-bulay ko ang lahat ng iyong mga gawa;+ Kusang-loob kong itinutuon ang aking pansin sa gawa ng iyong mga kamay.+   Iniunat ko sa iyo ang aking mga kamay;+ Ang aking kaluluwa ay tulad ng lupaypay na lupain na nauuhaw sa iyo.+ Selah.   O magmadali ka, sagutin mo ako, O Jehova.+ Ang aking espiritu ay sumapit na sa kawakasan.+ Huwag mong ikubli sa akin ang iyong mukha,+ At baka ako ay maging kahambing niyaong mga bumababa sa hukay.+   Sa umaga ay iparinig mo sa akin ang iyong maibiging-kabaitan,+ Sapagkat sa iyo ako naglalagak ng aking tiwala.+ Ipaalam mo sa akin ang daan na dapat kong lakaran,+ Sapagkat sa iyo ay itinaas ko ang aking kaluluwa.+   Iligtas mo ako mula sa aking mga kaaway, O Jehova.+ Ako ay nagkukubli sa iyo.+ 10  Turuan mo akong gawin ang iyong kalooban,+ Sapagkat ikaw ang aking Diyos.+ Ang iyong espiritu ay mabuti;+ Patnubayan nawa ako nito sa lupain ng katuwiran.+ 11  Alang-alang sa iyong pangalan,+ O Jehova, ingatan mo nawa akong buháy.+ Sa iyong katuwiran+ ay hanguin mo nawa ang aking kaluluwa mula sa kabagabagan.+ 12  At sa iyong maibiging-kabaitan ay patahimikin mo nawa ang aking mga kaaway;+ At puksain mo ang lahat niyaong mga napopoot sa aking kaluluwa,+ Sapagkat ako ay iyong lingkod.+

Talababa