Pumunta sa nilalaman

Pumunta sa pangalawahing menu

Pumunta sa talaan ng mga nilalaman

Mga Saksi ni Jehova

Tagalog

Bibliya Online | BAGONG SANLIBUTANG SALIN NG BANAL NA KASULATAN

Awit 109:1-31

Sa tagapangasiwa. Ni David. Isang awitin. 109  O Diyos ng aking papuri,+ huwag kang manatiling tahimik.+   Sapagkat ang bibig ng balakyot at ang bibig na mapanlinlang ay ibinuka laban sa akin.+ Nagsalita sila tungkol sa akin sa pamamagitan ng dila ng kabulaanan;+   At pinalibutan nila ako ng mga salita ng pagkapoot,+ At lagi nila akong nilalabanan nang walang dahilan.+   Kapalit ng aking pag-ibig ay lagi nila akong sinasalansang;+ Ngunit sa ganang akin ay may panalangin.+   At ginagawan nila ako ng masama kapalit ng mabuti+ At ng pagkapoot kapalit ng aking pag-ibig.+   Mag-atas ka sa kaniya ng isang balakyot, At may kalaban+ sanang laging nakatayo sa kaniyang kanan.   Kapag siya ay nahatulan, lumabas nawa siyang balakyot; At maging kasalanan nawa ang kaniya mismong panalangin.+   Maging kaunti nawa ang kaniyang mga araw;+ Ang kaniyang katungkulan ng pangangasiwa ay kunin nawa ng iba.+   Ang kaniyang mga anak na lalaki nawa ay maging mga batang walang ama+ At maging balo nawa ang kaniyang asawa.+ 10  At magpalabuy-laboy nawa ang kaniyang mga anak;+ At mamamalimos sila, At maghahanap sila ng pagkain mula sa kanilang mga tiwangwang na dako.+ 11  Maglatag nawa ng mga bitag ang usurero para sa lahat ng kaniyang tinatangkilik,+ At dambungin nawa ng mga taga-ibang bayan+ ang kaniyang bunga ng pagpapagal.+ 12  Wala nawang maggawad sa kaniya ng maibiging-kabaitan,+ At wala nawang magpakita ng lingap sa kaniyang mga anak na lalaking walang ama. 13  Maukol nawa sa pagkalipol ang kaniyang kaapu-apuhan.+ Sa kasunod na salinlahi ay mapawi nawa ang kanilang pangalan.+ 14  Maalaala nawa ni Jehova ang kamalian ng kaniyang mga ninuno,+ At ang kasalanan ng kaniyang ina+—huwag nawang mapawi iyon.+ 15  Manatili nawa silang laging nasa harap ni Jehova;+ At putulin niya nawa ang alaala sa kanila mula sa mismong lupa;+ 16  Sa dahilang hindi niya naalaalang magpakita ng maibiging-kabaitan,+ Kundi tinugis niya ang taong napipighati at dukha+ At ang may pusong nalulumbay, upang patayin siya.+ 17  At inibig niya ang sumpa,+ anupat dumating ito sa kaniya;+ At hindi niya kinalugdan ang pagpapala,+ Kung kaya ito ay nalayo sa kaniya;+ 18  At siya ay naramtan ng sumpa bilang kaniyang kasuutan.+ Kaya pumasok ito sa loob niya na tulad ng tubig+ At tulad ng langis sa loob ng kaniyang mga buto. 19  Maging para nawang kasuutan niya iyon na ibinabalot niya sa kaniyang sarili+ At gaya ng pamigkis na lagi niyang ibinibigkis sa kaniyang sarili.+ 20  Ito ang kabayaran mula kay Jehova niyaong sumasalansang sa akin+ At niyaong mga nagsasalita ng masama laban sa aking kaluluwa.+ 21  Ngunit ikaw ay si Jehova na Soberanong+ Panginoon. Makitungo ka sa akin alang-alang sa iyong pangalan.+ Sapagkat ang iyong maibiging-kabaitan ay mabuti, iligtas+ mo ako. 22  Sapagkat ako ay napipighati at dukha,+ At ang akin mismong puso ay inulos sa loob ko.+ 23  Tulad ng anino kapag ito ay naglalaho, kailangan kong umalis;+ Binugaw ako na parang balang. 24  Ang mga tuhod ko ay gumiwang-giwang dahil sa pag-aayuno,+ At ang aking laman ay nangayayat, na walang langis.+ 25  At ako ay naging isang bagay na kadusta-dusta sa kanila.+ Nakikita nila ako—iniiling nila ang kanilang ulo.+ 26  Tulungan mo ako, O Jehova na aking Diyos;+ Iligtas mo ako ayon sa iyong maibiging-kabaitan.+ 27  At malaman nawa nila na ito ay iyong kamay;+ Na ikaw mismo, O Jehova, ang gumawa nito.+ 28  Hayaan mong sila, sa ganang kanila, ay magpataw ng sumpa,+ Ngunit ikaw nawa, sa ganang iyo, ay magpahayag ng pagpapala.+ Bumangon sila, ngunit mapahiya nawa sila,+ At magsaya nawa ang iyong lingkod.+ 29  Maramtan nawa ng pagkaaba yaong mga sumasalansang sa akin,+ At ibalot nawa nila sa kanilang sarili ang kanilang kahihiyan na gaya ng damit na walang manggas.+ 30  Lubha kong dadakilain si Jehova sa pamamagitan ng aking bibig,+ At sa gitna ng maraming tao ay pupurihin ko siya.+ 31  Sapagkat siya ay tatayo sa kanan ng dukha,+ Upang iligtas siya mula sa mga humahatol sa kaniyang kaluluwa.

Talababa