Pumunta sa nilalaman

Pumunta sa pangalawahing menu

Pumunta sa talaan ng mga nilalaman

Mga Saksi ni Jehova

Tagalog

Bibliya Online | BAGONG SANLIBUTANG SALIN NG BANAL NA KASULATAN

Awit 103:1-22

Ni David. 103  Pagpalain mo si Jehova, O kaluluwa ko,+ Maging ng lahat ng nasa loob ko, ang kaniyang banal na pangalan.+   Pagpalain mo si Jehova, O kaluluwa ko, At huwag mong limutin ang lahat ng kaniyang ginagawa,+   Siyang nagpapatawad ng lahat ng iyong kamalian,+ Siyang nagpapagaling ng lahat ng iyong karamdaman,+   Siyang bumabawi ng iyong buhay mula sa hukay mismo,+ Siyang nagpuputong sa iyo ng maibiging-kabaitan at kaawaan,+   Siyang bumubusog sa iyong buong buhay ng bagay na mabuti;+ Ang iyong kabataan ay patuloy na nababagong tulad ng sa agila.+   Si Jehova ay naglalapat ng mga gawang katuwiran+ At ng mga hudisyal na pasiya para sa lahat ng mga dinadaya.+   Ipinaalam niya ang kaniyang mga daan kay Moises,+ Ang kaniyang mga pakikitungo sa mga anak ni Israel.+   Si Jehova ay maawain at magandang-loob,+ Mabagal sa pagkagalit at sagana sa maibiging-kabaitan.+   Hindi siya habang panahong maghahanap ng kamalian,+ Ni maghihinanakit man siya hanggang sa panahong walang takda.+ 10  Hindi pa niya ginawa sa atin ang ayon nga sa ating mga kasalanan;+ Ni pinasapitan man niya tayo ng nararapat sa atin ayon sa ating mga kamalian.+ 11  Sapagkat kung paanong ang langit ay mas mataas kaysa sa lupa,+ Ang kaniyang maibiging-kabaitan ay nakahihigit para sa mga may takot sa kaniya.+ 12  Kung gaano kalayo ang sikatan ng araw sa lubugan ng araw,+ Gayon kalayo niya inilalagay mula sa atin ang ating mga pagsalansang.+ 13  Kung paanong nagpapakita ng awa ang ama sa kaniyang mga anak,+ Si Jehova ay nagpapakita ng awa sa mga may takot sa kaniya.+ 14  Sapagkat nalalaman niyang lubos ang kaanyuan natin,+ Na inaalaalang tayo ay alabok.+ 15  Kung tungkol sa taong mortal, ang kaniyang mga araw ay tulad ng sa luntiang damo;+ Namumukadkad siyang tulad ng bulaklak sa parang.+ 16  Sapagkat hangin lamang ang dumaan dito, at ito ay wala na;+ At hindi na ito kikilalanin pa ng kaniyang dako.+ 17  Ngunit ang maibiging-kabaitan ni Jehova ay mula sa panahong walang takda at maging hanggang sa panahong walang takda+ Sa mga may takot sa kaniya,+ At ang kaniyang katuwiran hanggang sa mga anak ng mga anak,+ 18  Sa mga nag-iingat ng kaniyang tipan+ At sa mga umaalaala ng kaniyang mga pag-uutos upang isagawa ang mga ito.+ 19  Itinatag ni Jehova nang matibay ang kaniyang trono sa mismong langit;+ At ang kaniyang paghahari ay nagpupuno sa lahat.+ 20  Pagpalain ninyo si Jehova, O ninyong mga anghel+ niya, makapangyarihan sa kalakasan, na tumutupad ng kaniyang salita,+ Sa pakikinig sa tinig ng kaniyang salita.+ 21  Pagpalain ninyo si Jehova, ninyong lahat na mga hukbo niya,+ Ninyong mga lingkod niya, na gumagawa ng kaniyang kalooban.+ 22  Pagpalain ninyo si Jehova, ninyong lahat na mga gawa niya,+ Sa lahat ng dakong kaniyang pinamumunuan.+ Pagpalain mo si Jehova, O kaluluwa ko.+

Talababa