Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

2 Cronica 36:1-23

36  At kinuha ng bayan ng lupain si Jehoahaz+ na anak ni Josias at ginawa siyang hari bilang kahalili ng kaniyang ama sa Jerusalem.+  Dalawampu’t tatlong taóng gulang si Jehoahaz nang magsimula siyang maghari, at tatlong buwan siyang naghari sa Jerusalem.+  Gayunman, inalis siya sa Jerusalem+ ng hari ng Ehipto at minultahan ang lupain ng isang daang talentong pilak+ at isang talentong ginto.  Karagdagan pa, ginawang hari sa Juda at Jerusalem ng hari+ ng Ehipto si Eliakim+ na kaniyang kapatid at pinalitan ang kaniyang pangalan ng Jehoiakim; ngunit ang kapatid niyang si Jehoahaz ay kinuha ni Neco+ at dinala sa Ehipto.+  Dalawampu’t limang taóng gulang si Jehoiakim+ nang magsimula siyang maghari, at labing-isang taon siyang naghari sa Jerusalem;+ at patuloy siyang gumawa ng masama sa paningin ni Jehova na kaniyang Diyos.+  Si Nabucodonosor+ na hari ng Babilonya ay umahon+ laban sa kaniya upang maigapos niya siya ng dalawang pangaw na tanso upang dalhin siya sa Babilonya.+  At ang ilan sa mga kagamitan+ ng bahay ni Jehova ay dinala ni Nabucodonosor+ sa Babilonya at pagkatapos ay inilagay ang mga iyon sa kaniyang palasyo sa Babilonya.+  Kung tungkol sa iba pa sa mga pangyayari+ kay Jehoiakim at sa kaniyang mga karima-rimarim+ na bagay na ginawa niya at yaong masusumpungang laban sa kaniya, doon nakasulat ang mga iyon sa Aklat+ ng mga Hari ng Israel at ng Juda; at si Jehoiakin+ na kaniyang anak ay nagsimulang maghari bilang kahalili niya.  Labingwalong taóng gulang si Jehoiakin+ nang magsimula siyang maghari, at tatlong buwan+ at sampung araw siyang naghari sa Jerusalem; at patuloy siyang gumawa ng masama sa paningin ni Jehova.+ 10  At sa pag-ikot+ ng taon ay nagsugo+ si Haring Nabucodonosor at dinala siya sa Babilonya+ kasama ang kanais-nais na mga kagamitan ng bahay ni Jehova.+ Karagdagan pa, ginawa niyang hari sa Juda at Jerusalem si Zedekias+ na kapatid ng kaniyang ama.+ 11  Dalawampu’t isang taóng gulang si Zedekias+ nang magsimula siyang maghari, at labing-isang taon siyang naghari sa Jerusalem.+ 12  At patuloy siyang gumawa ng masama+ sa paningin ni Jehova na kaniyang Diyos. Hindi siya nagpakumbaba+ sa harap ni Jeremias+ na propeta+ sa utos ni Jehova. 13  At naghimagsik+ siya maging kay Haring Nabucodonosor, na nagpasumpa sa kaniya sa harap ng Diyos;+ at patuloy niyang pinatigas+ ang kaniyang leeg at pinagmatigas+ ang kaniyang puso upang hindi manumbalik kay Jehova na Diyos ng Israel. 14  Maging ang lahat ng pinuno ng mga saserdote+ at ang bayan ay nagsagawa ng lansakang kawalang-katapatan, ayon sa lahat ng karima-rimarim+ na bagay ng mga bansa, anupat dinungisan nila ang bahay ni Jehova na kaniyang pinabanal sa Jerusalem.+ 15  At si Jehova na Diyos ng kanilang mga ninuno ay patuloy na nagsugo laban sa kanila sa pamamagitan ng kaniyang mga mensahero,+ na nagsusugo nang paulit-ulit, sapagkat siya ay nahabag sa kaniyang bayan+ at sa kaniyang tahanan.+ 16  Ngunit patuloy nilang kinakantiyawan+ ang mga mensahero ng tunay na Diyos at hinahamak ang kaniyang mga salita+ at nililibak+ ang kaniyang mga propeta, hanggang sa ang pagngangalit+ ni Jehova ay sumiklab laban sa kaniyang bayan, hanggang sa wala nang kagalingan.+ 17  Kaya pinasampa niya laban sa kanila ang hari ng mga Caldeo,+ na pumatay sa kanilang mga kabataang lalaki sa pamamagitan ng tabak+ sa bahay ng kanilang santuwaryo,+ ni nahabag man siya sa binata o dalaga, matanda man o hukluban.+ Ang lahat ng bagay ay ibinigay Niya sa kaniyang kamay. 18  At ang lahat ng mga kagamitan,+ malaki+ at maliit, ng bahay ng tunay na Diyos at ang kayamanan+ ng bahay ni Jehova at ang kayamanan ng hari+ at ng kaniyang mga prinsipe, ang lahat ng bagay ay dinala niya sa Babilonya. 19  At sinunog niya ang bahay ng tunay na Diyos+ at giniba ang pader+ ng Jerusalem; at ang lahat ng tirahang tore nito ay sinunog nila sa apoy at gayundin ang lahat ng kanais-nais na mga kagamitan nito,+ upang wasakin.+ 20  Karagdagan pa, dinala niyang bihag sa Babilonya+ yaong mga nalabi mula sa tabak, at sila ay naging mga lingkod niya+ at ng kaniyang mga anak hanggang sa magsimulang maghari ang maharlikang pamahalaan ng Persia;+ 21  upang tuparin ang salita ni Jehova sa pamamagitan ng bibig ni Jeremias,+ hanggang sa mabayaran ng lupain ang mga sabbath nito.+ Ito ay nangilin ng sabbath sa lahat ng mga araw ng pagkatiwangwang, upang ganapin ang pitumpung taon.+ 22  At nang unang taon ni Ciro+ na hari ng Persia,+ upang maganap ang salita+ ni Jehova sa pamamagitan ng bibig ni Jeremias,+ ay pinukaw ni Jehova ang espiritu+ ni Ciro na hari ng Persia, kung kaya nagpalabas siya ng isang panawagan sa buong kaharian niya, at gayundin sa sulat,+ na nagsasabi: 23  “Ito ang sinabi ni Ciro na hari ng Persia,+ ‘Ang lahat ng kaharian sa lupa ay ibinigay sa akin ni Jehova na Diyos ng langit,+ at siya ang nag-atas sa akin na magtayo para sa kaniya ng isang bahay sa Jerusalem, na nasa Juda.+ Sinuman sa inyo na mula sa kaniyang buong bayan,+ sumakaniya nawa si Jehova na kaniyang Diyos.+ Kaya paahunin siya.’ ”+

Talababa