Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

2 Corinto 2:1-17

2  Sapagkat ito ang ipinasiya ko sa aking sarili, na huwag pumariyan sa inyong muli sa kalungkutan.+  Sapagkat kung palulungkutin ko kayo,+ sino nga ang magpapasaya sa akin maliban sa isa na pinalulungkot ko?  Kaya nga isinulat ko ang mismong bagay na ito, upang kapag pumariyan ako ay hindi ako malungkot+ dahil doon sa mga dapat kong ipagsaya;+ sapagkat may pagtitiwala ako+ sa inyong lahat na ang kagalakang taglay ko ay yaong sa inyong lahat.  Sapagkat mula sa labis na kapighatian at panggigipuspos ng puso ay sinulatan ko kayo na may maraming luha,+ hindi upang mapalungkot kayo,+ kundi upang malaman ninyo ang pag-ibig na taglay ko lalung-lalo na para sa inyo.  Ngayon kung ang sinuman ay nakapagpalungkot,+ pinalungkot niya, hindi ako, kundi sa isang antas ay kayong lahat—hindi sa pagiging napakabagsik sa aking sinasabi.  Ang saway+ na ito na ibinigay ng karamihan ay sapat na para sa gayong tao,  upang sa kabaligtaran naman ngayon ay may-kabaitan ninyo siyang patawarin+ at aliwin, upang sa paanuman ang gayong tao ay huwag madaig ng kaniyang labis-labis na kalungkutan.+  Kaya nga pinapayuhan ko kayo na pagtibayin ang inyong pag-ibig+ sa kaniya.  Sapagkat sa layunin ding ito ay sumusulat ako upang tiyakin ang katunayan tungkol sa inyo, kung masunurin nga kayo sa lahat ng bagay.+ 10  Ang anumang bagay na may-kabaitan ninyong ipinatatawad sa kaninuman ay ipinatatawad ko rin.+ Sa katunayan, sa ganang akin, anuman ang may-kabaitan kong ipinatawad, kung may-kabaitan man akong nagpatawad ng anumang bagay, ito ay alang-alang sa inyo sa paningin ni Kristo; 11  upang huwag tayong malamangan ni Satanas,+ sapagkat hindi naman tayo walang-alam sa kaniyang mga pakana.+ 12  Ngayon nang dumating ako sa Troas+ upang ipahayag ang mabuting balita tungkol sa Kristo, at isang pinto ang binuksan sa akin sa Panginoon,+ 13  hindi ako nagkaroon ng ginhawa sa aking espiritu sapagkat hindi ko nasumpungan si Tito+ na aking kapatid, ngunit nagpaalam ako sa kanila at lumisan patungong Macedonia.+ 14  Ngunit salamat sa Diyos na laging umaakay+ sa atin sa isang prusisyon ng tagumpay kasama+ ng Kristo at sa pamamagitan natin ay nagpapabatid ng amoy ng kaalaman tungkol sa kaniya sa bawat dako!+ 15  Sapagkat sa Diyos tayo ay mabangong amoy+ ni Kristo sa gitna niyaong mga inililigtas at sa gitna niyaong mga nalilipol;+ 16  sa mga huling nabanggit ay isang amoy na nanggagaling sa kamatayan tungo sa kamatayan,+ sa mga unang nabanggit ay isang amoy na nanggagaling sa buhay tungo sa buhay. At sino ang lubusang kuwalipikado para sa mga bagay na ito?+ 17  Kami nga; sapagkat hindi kami mga tagapaglako ng salita ng Diyos+ gaya ng maraming tao,+ kundi dahil sa kataimtiman, oo, gaya ng isinugo mula sa Diyos, sa paningin ng Diyos, kasama ni Kristo, ay nagsasalita kami.+

Talababa