Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

Bibliya Online

BAGONG SANLIBUTANG SALIN NG BANAL NA KASULATAN

1 Hari 3:1-28

3  At si Solomon ay nakipag-alyansa kay Paraon na hari ng Ehipto ukol sa pag-aasawa+ at kinuha niya ang anak ni Paraon+ at dinala ito sa Lunsod ni David,+ hanggang sa matapos niyang maitayo ang kaniyang sariling bahay+ at ang bahay ni Jehova+ at ang pader ng Jerusalem sa buong palibot.+  Lamang ay naghahain ang bayan sa matataas na dako,+ sapagkat wala pang naitatayong bahay para sa pangalan ni Jehova hanggang sa mga araw na iyon.+  At patuloy na inibig+ ni Solomon si Jehova sa pamamagitan ng paglakad sa mga batas ni David na kaniyang ama.+ Lamang ay sa matataas na dako+ siya palagiang naghahain at nagpapausok ng mga handog.  Sa gayon ay pumaroon sa Gibeon+ ang hari upang doon maghain, sapagkat iyon ang bantog na mataas na dako.+ Isang libong haing sinusunog ang inihandog ni Solomon sa ibabaw ng altar na iyon.+  Sa Gibeon ay nagpakita+ si Jehova kay Solomon sa isang panaginip+ sa gabi; at ang Diyos ay nagsabi: “Hilingin mo kung ano ang ibibigay ko sa iyo.”+  Dahil dito ay sinabi ni Solomon: “Ikaw ay nagpakita ng malaking maibiging-kabaitan+ sa iyong lingkod na si David na aking ama ayon sa kaniyang paglakad sa harap mo sa katotohanan at sa katuwiran+ at sa katapatan ng puso sa iyo; at patuloy mong tinupad sa kaniya ang malaking maibiging-kabaitang ito, anupat binigyan mo siya ng isang anak upang umupo sa kaniyang trono gaya ng sa araw na ito.+  At ngayon, Jehova na aking Diyos, ikaw ang gumawang hari sa iyong lingkod bilang kahalili ni David na aking ama, at ako ay isang munting bata lamang.+ Hindi ko alam kung paano lumabas at kung paano pumasok.+  At ang iyong lingkod ay nasa gitna ng iyong bayan na pinili+ mo, isang malaking bayan na hindi matuos ang dami o mabilang dahil sa karamihan.+  At bigyan mo ang iyong lingkod ng isang masunuring puso upang humatol+ sa iyong bayan, upang makilala ang kaibahan ng mabuti sa masama;+ sapagkat sino ang makahahatol+ sa bayan mong ito na mahirap pakitunguhan?”+ 10  At ang bagay na ito ay kalugud-lugod sa paningin ni Jehova, sapagkat hiniling ni Solomon ang bagay na ito.+ 11  At ang Diyos ay nagsabi sa kaniya: “Sa dahilang hiniling mo ang bagay na ito at hindi ka humiling para sa iyo ng maraming araw ni humiling para sa iyo ng kayamanan+ ni hiniling mo man ang kaluluwa ng iyong mga kaaway, at humiling ka para sa iyo ng pagkaunawa upang duminig ng mga hudisyal na usapin,+ 12  narito! gagawin ko nga ang ayon sa iyong mga salita.+ Narito! Tiyak na ibibigay ko sa iyo ang isang marunong at may-unawang puso,+ anupat wala pang sinumang umiral na tulad mo na una sa iyo, at kasunod mo ay wala nang babangon pang sinumang tulad mo.+ 13  At ang hindi mo hiniling ay ibibigay ko rin sa iyo,+ kapuwa ang kayamanan+ at ang kaluwalhatian, anupat walang sinuman sa mga hari ang makakatulad mo, sa lahat ng iyong mga araw.+ 14  At kung lalakad ka sa aking mga daan sa pamamagitan ng pagtupad sa aking mga tuntunin+ at sa aking mga utos, kung paanong lumakad si David na iyong ama,+ pahahabain ko rin ang iyong mga araw.”+ 15  Nang si Solomon ay magising,+ aba, narito, iyon pala ay isang panaginip. Nang magkagayon ay pumaroon siya sa Jerusalem at tumayo sa harap ng kaban+ ng tipan ni Jehova at naghandog ng mga haing sinusunog at nagharap ng mga handog na pansalu-salo+ at naghanda ng piging+ para sa lahat ng kaniyang mga lingkod.+ 16  Nang panahong iyon ay dalawang babae, mga patutot,+ ang pumaroon sa hari at tumayo sa harap niya.+ 17  Nang magkagayon ay sinabi ng isang babae: “Pagpaumanhinan mo ako, panginoon ko,+ ako at ang babaing ito ay tumatahan sa isang bahay, anupat nagsilang ako sa bahay sa dakong malapit sa kaniya. 18  At nangyari nang ikatlong araw pagkatapos na magsilang ako, ang babaing ito ay nagsilang din. At kami ay magkasama. Wala kaming kasamang ibang tao sa bahay, walang sinuman sa bahay maliban sa aming dalawa. 19  Nang maglaon ang anak ng babaing ito ay namatay nang gabi, sapagkat nahigaan niya ito. 20  Kaya bumangon siya sa kalagitnaan ng gabi at kinuha ang aking anak mula sa tabi ko habang ang iyong aliping babae ay natutulog at inihiga niya siya sa kaniyang dibdib, at ang kaniyang patay na anak ay inihiga niya sa aking dibdib. 21  Nang bumangon ako nang umaga upang pasusuhin+ ang aking anak, aba, naroon siyang patay. Kaya kinilala ko siyang mabuti nang umaga, at, narito! hindi siya ang aking anak na ipinanganak ko.” 22  Ngunit sinabi niyaong isang babae: “Hindi, kundi ang aking anak ang buháy at ang iyong anak ang patay!” Samantala ang babaing ito ay nagsasabi: “Hindi, kundi ang iyong anak ang patay at ang aking anak ang buháy.” At patuloy silang nagsasalita sa harap ng hari.+ 23  Nang magkagayon ay sinabi ng hari: “Ang isang ito ay nagsasabi, ‘Ito ang aking anak, ang buháy, at ang iyong anak ang patay!’ at ang isang iyon ay nagsasabi, ‘Hindi, kundi ang iyong anak ang patay at ang aking anak ang buháy!’ ” 24  At ang hari ay nagsabi:+ “Kayong mga lalaki, ikuha ninyo ako ng isang tabak.” Kaya dinala nila ang tabak sa harap ng hari. 25  At ang hari ay nagsabi: “Hatiin ninyo sa dalawa ang buháy na bata at ibigay ang kalahati sa isang babae at ang kalahati sa isa pa.” 26  Kaagad na sinabi sa hari ng babaing may anak na buháy (sapagkat ang kaniyang mga panloob na damdamin+ ay nag-alab para sa kaniyang anak,+ kung kaya sinabi niya): “Pagpaumanhinan mo ako,+ panginoon ko! Kayong mga lalaki, ibigay ninyo sa kaniya ang buháy na bata. Sa anumang paraan ay huwag ninyo siyang patayin.” Samantala ay sinasabi naman niyaong isang babae: “Hindi siya magiging akin ni iyo man. Hatiin ninyo!”+ 27  Sa gayon ay sumagot ang hari at nagsabi: “Ibigay ninyo sa kaniya ang buháy na bata, at sa anumang paraan ay huwag ninyo siyang patayin. Siya ang kaniyang ina.” 28  At narinig ng buong Israel ang hudisyal na pasiya+ na ibinaba ng hari; at natakot sila dahil sa hari,+ sapagkat nakita nila na ang karunungan+ ng Diyos ay nasa kaniya upang maglapat ng hudisyal na pasiya.

Talababa