Pumunta sa nilalaman

Pumunta sa pangalawahing menu

Mga Saksi ni Jehova

Tagalog

Ano Kaya ang Mangyayari sa Hinaharap?

Ano Kaya ang Mangyayari sa Hinaharap?

Ang mundo ba ay . . .

  • mananatiling ganito?

  • lalala?

  • bubuti?

 ANG SABI NG BIBLIYA

“Papahirin [ng Diyos] ang bawat luha sa kanilang mga mata, at hindi na magkakaroon ng kamatayan, ni ng pagdadalamhati o ng paghiyaw o ng kirot pa man. Ang mga dating bagay ay lumipas na.”​—Apocalipsis 21:4, Bagong Sanlibutang Salin.

ANO ANG MAITUTULONG NITO SA IYO?

Magkakaroon ka ng makabuluhan at kasiya-siyang trabaho.​—Isaias 65:21-23.

Hindi ka na magkakasakit o magdurusa.​—Isaias 25:8; 33:24.

Mabubuhay ka nang maligaya at walang hanggan kasama ang iyong pamilya at mga kaibigan.​—Awit 37:11, 29.

 MAPANINIWALAAN BA NATIN ANG SINASABI NG BIBLIYA?

Oo, sa dalawang dahilan:

  • Kayang tuparin ng Diyos ang pangako niya. Sa Bibliya, ang Diyos na Jehova lang ang tinatawag na “Makapangyarihan-sa-lahat,” dahil walang limitasyon ang kaniyang kapangyarihan. (Apocalipsis 15:3) Kaya magagawa niyang tuparin ang kaniyang pangako na baguhin ang kalagayan ng mundo. Gaya nga ng sinasabi ng Bibliya, “sa Diyos ay posible ang lahat ng mga bagay.”​—Mateo 19:26.

  • Gustong tuparin ng Diyos ang pangako niya. Halimbawa, sabik si Jehova na buhaying muli ang mga namatay.​—Job 14:14, 15.

    Mababasa rin sa Bibliya na ang Anak ng Diyos, si Jesus, ay nagpagaling ng maysakit. Bakit? Dahil gusto niyang gawin iyon. (Marcos 1:40, 41) Tulad ng kaniyang Ama, gustong tulungan ni Jesus ang mga nangangailangan.​—Juan 5:19.

    Kaya nakasisiguro tayong gusto ni Jehova at ni Jesus na tulungan tayong magkaroon ng maligayang kinabukasan!​—Awit 72:12-14; 145:16; 2 Pedro 3:9.

 PAG-ISIPAN ITO

Paano mapabubuti ng Diyos ang kalagayan ng mundo?

Sinasagot iyan ng Bibliya sa MATEO 6:9, 10 at DANIEL 2:44.

Higit Pang Impormasyon

MAGANDANG BALITA MULA SA DIYOS!

Ano ang Layunin ng Diyos Para sa Lupa?

Ipinaliliwanag ng Bibliya kung bakit ginawa ng Diyos ang lupa, kung kailan matatapos ang pagdurusa, at kung ano ang mangyayari sa lupa at sa mga nakatira dito.

MAGANDANG BALITA MULA SA DIYOS!

Ano ang Kaharian ng Diyos?

Sino ang Hari ng Kaharian ng Diyos, at ano ang isasakatuparan nito?