Ginagawa ng concrete team ang walkway na magdurugtong sa Building 1, 5, at 7.

Bago simulan ang isang proyekto, pinag-aaralan muna ng mga karpintero ang mga drowing ng Regional Design/Construction Department–Asia/Pacific. Noong Marso 2016, lumipat sa tanggapang pansangay ng Pilipinas ang departamentong ito na galing sa Australia.

Dine-demolish ng excavator ang sementadong driveway para gumawa ng hukay. Maglalagay sa hukay ng bagong mga chilled-water pipe para sa centralized na aircon.

Inihahanda ng mag-asawa mula sa United States ang iwe-welding nilang handrail para sa walkway.

Ibinabaon ng mga manggagawa ang mga chilled-water pipe sa pagitan ng Building 4 at 5.

Gumagamit ng gun tacker ang isang karpintero sa paggawa ng pasimano ng bintana.

Inilalatag ng isang manggagawa ang mga carpet tile. Naka-carpet ang buong ikalawang palapag ng Building 5 para mabawasan ang ingay, dahil nandito ang Audio/Video Department.

Nilalagyan ng mga manggagawa ng heat-reflective paint ang labas ng isang gusali. Dahil sa pinturang ito, hindi tumatagos ang radyasyon ng araw kaya napapanatili ang malamig na temperatura sa loob at nababawasan ang konsumo ng kuryente.

Inaalis ng mason ang mga kahoy na ginamit sa pagtatayo ng pader. Ang Building 4, na may dalawang palapag, ang tuluyan ng mga estudyanteng nag-aaral sa iba’t ibang Bible school.

Isang miyembro ng heating, ventilation, at air-conditioning team ang naglalagay ng insulation sa mga chilled-water pipe. Nakakatulong ang insulation para gumana nang maayos ang chilled-water system at para hindi masyadong magpawis ang mga tubo.

Tine-test ng isang technician mula sa Australia ang isang circuit breaker sa isang electrical switch cabinet. Mahigit 100 bihasang manggagawa mula sa ibang bansa ang inimbitahan para tumulong sa renovation project.