1. Mapagpatuloy ang Diyos na Jehova.

Hindi nagtatangi ang pag-ibig niya.

Ang araw at ulan,

kaniyang ’nilalaan,

Ang pagkain at kagalakan.

Kapag nililingap natin ang dukha,

Bilang anak ay tinutularan siya.

Kaniyang susuklian,

ating kabutihan,

Ang taimtim na kabaitan.

2. Kagandahang-loob ay ipakita

Sa nangangailangan, sinuman sila.

Maa’ring dumating,

pagpapala sa ’tin,

Kung tayo ay mapagpatuloy.

Tulad ni Lydia no’n ay sabihin mo

Sa mga kapatid: ‘Tuloy po kayo.’

Alam ni Jehova

at nakikita niya

Ating pagkamapagpatuloy.