Basahin ang Bilang 13:25–14:4 para malaman kung paano nawalan ng tiwala ang mga Israelita kay Jehova.

Pag-isipan ang konteksto. Ano sana ang nakatulong sa mga Israelita na patuloy na magtiwala na kaya silang iligtas ni Jehova paglabas nila ng Ehipto? (Awit 78:​12-16, 43-53) Bakit nawalan sila ng tiwala kay Jehova? (Deut. 1:​26-28) Paano ipinakita nina Josue at Caleb na nagtitiwala sila kay Jehova?​—Bil. 14:​6-9.

Pag-aralan. Ano sana ang ginawa ng mga Israelita para mapatibay pa ang pagtitiwala nila kay Jehova? (Awit 9:10; 22:4; 78:11) Paano makakatulong ang matinding paggalang natin kay Jehova para mas magtiwala tayo sa kaniya?​—Bil. 14:11.

Hanapin ang mga aral. Tanungin ang sarili:

• ‘Sa anong mga sitwasyon ako puwedeng mahirapan na lubusang magtiwala kay Jehova?’

• ‘Paano ko mapapatibay ang pagtitiwala ko kay Jehova ngayon at sa hinaharap?’

• ‘Ano ang sigurado ako na mangyayari kapag nagsimula na ang malaking kapighatian?’—Luc. 21:​25-28.