Pumunta sa nilalaman

Pumunta sa talaan ng mga nilalaman

 PAMUMUHAY BILANG KRISTIYANO

Mahal ni Jehova ang mga Taong Malinis

Mahal ni Jehova ang mga Taong Malinis

“Maghugas ng kamay. Maglinis ng kuwarto. Magwalis. Magtapon ng basura.” Tinuturuan ng maraming magulang ang kanilang mga anak na maging malinis sa pisikal. Pero ang pamantayan sa kalinisan ay galing sa banal na Diyos. (Exo 30:18-20; Deu 23:14; 2Co 7:1) Kapag pinananatili nating malinis ang ating katawan at mga pag-aari, pinararangalan natin si Jehova. (1Pe 1:14-16) Kumusta naman ang ating bahay at kapaligiran? Di-tulad ng mga taong basta na lang itinatapon ang mga basura nila sa kalsada at mga parke, sinisikap ng mga Kristiyano na panatilihing malinis ang kapaligiran. (Aw 115:16; Apo 11:18) Kahit sa maliliit na bagay, gaya ng pagtatapon ng mga lata ng softdrinks, balat ng candy, o chewing gum, makikita ang saloobin natin tungkol sa kalinisan. Sa bawat aspekto ng buhay, gusto nating ‘irekomenda ang sarili natin bilang mga lingkod ng Diyos.’—2Co 6:3, 4.

PANOORIN ANG VIDEO NA INIIBIG NG DIYOS ANG KALINISAN. PAGKATAPOS, SAGUTIN ANG SUMUSUNOD NA MGA TANONG:

  • Ano ang idinadahilan ng iba kaya hindi sila naglilinis?

  • Paano ipinakita ng Kautusang Mosaiko ang pananaw ni Jehova sa kalinisan?

  • Paano natin mapaparangalan si Jehova nang walang salita?

Paano ko matutularan ang pananaw ni Jehova tungkol sa kalinisan?