Mga Kawikaan 3:1-35

3  Anak ko, huwag mong kalimutan ang itinuturo* ko,At sundin mo sana nang buong puso ang mga utos ko,   Dahil ang mga ito ay magbibigay sa iyoNg mahaba at payapang buhay.+   Huwag mong iwan ang tapat na pag-ibig at katapatan.*+ Itali mo ang mga iyon sa leeg mo;Isulat mo ang mga iyon sa puso* mo;+   Sa gayon, ikaw ay magiging kalugod-lugod at may unawaSa mata ng Diyos at ng tao.+   Magtiwala ka kay Jehova+ nang buong puso,At huwag kang umasa* sa sarili mong unawa.+   Isaisip mo siya sa lahat ng tatahakin mong landas,+At itutuwid niya ang mga daan mo.+   Huwag kang magtiwala sa sarili mong karunungan.+ Matakot ka kay Jehova at lumayo sa kasamaan.   Mapagagaling nito ang katawan* moAt mapagiginhawa ang iyong mga buto.   Parangalan mo si Jehova sa pamamagitan ng iyong mahahalagang pag-aari,+Ng mga unang bunga ng* lahat ng iyong ani;*+ 10  At mapupuno nang husto ang mga imbakan mo,+At aapaw ang bagong alak sa iyong mga pisaan ng ubas. 11  Anak ko, huwag mong itakwil ang disiplina ni Jehova,+At huwag mong kamuhian ang saway niya,+ 12  Dahil sinasaway ni Jehova ang mga mahal niya,+Gaya ng ginagawa ng ama sa kinalulugdan niyang anak.+ 13  Maligaya ang nakatagpo sa karunungan+At ang taong nagkaroon ng kaunawaan; 14  Mas mabuti ito kaysa sa pagkakaroon ng pilakAt mas kapaki-pakinabang kaysa sa pagkakaroon ng ginto.+ 15  Mas mahalaga ito kaysa sa mga korales;*Anumang bagay na gustuhin mo ay hindi maipapantay rito. 16  Nasa kanang kamay nito ang mahabang buhayAt nasa kaliwang kamay ang kayamanan at kaluwalhatian. 17  Kasiya-siya ang mga daan nito,At may kapayapaan sa lahat ng landas nito.+ 18  Ito ay punongkahoy ng buhay para sa mga nagtataglay nito,At magiging maligaya ang mga nanghahawakan dito.+ 19  Inilagay ni Jehova ang pundasyon ng lupa sa pamamagitan ng karunungan.+ Itinatag niya ang langit sa pamamagitan ng kaunawaan.+ 20  Dahil sa kaniyang kaalaman, nahati ang malalim na katubiganAt bumabagsak ang hamog mula sa maulap na kalangitan.+ 21  Anak ko, lagi mong isaisip ang mga ito.* Ingatan mo ang karunungan* at ang kakayahang mag-isip; 22  Ang mga ito ay magbibigay sa iyo ng buhayAt magiging isang magandang kuwintas sa iyong leeg; 23  At panatag kang lalakad sa iyong mga daan,At hindi ka matatalisod.*+ 24  Kapag humiga ka, hindi ka matatakot;+Hihiga ka at makakatulog nang mahimbing.+ 25  Hindi ka matatakot sa biglaang sakuna+O sa bagyong pumipinsala sa masasama.+ 26  Dahil talagang makapagtitiwala ka kay Jehova;+Hindi niya hahayaang mabitag ang iyong paa.+ 27  Huwag mong ipagkait ang mabuti sa mga nangangailangan ng tulong*+Kung kaya mo namang* gawin ito.+ 28  Huwag mong sabihin sa kapuwa mo: “Umuwi ka na, bumalik ka bukas at bibigyan kita,” Kung maibibigay mo naman ito ngayon. 29  Huwag kang magplano ng masama sa kapitbahay mo+Na nagtitiwala sa iyo. 30  Huwag kang makipag-away sa isang tao nang walang dahilan+Kung wala naman siyang ginawang masama sa iyo.+ 31  Huwag kang mainggit sa taong marahas+At huwag mong piliin ang alinman sa mga landas niya, 32  Dahil nasusuklam si Jehova sa mga mapanlinlang,+Pero ang matuwid ay matalik niyang kaibigan.+ 33  Isinusumpa ni Jehova ang bahay ng masasama,+Pero pinagpapala niya ang tahanan ng mga matuwid.+ 34  Hinahamak niya ang mga manlalait+Pero pinapaboran ang maaamo.+ 35  Karangalan ang tatanggapin ng marurunong,Pero kasiraang-puri ang itinataguyod ng mga mangmang.+

Talababa

O “batas.”
O “katotohanan.”
O “sa tapyas ng puso.”
O “manalig.”
Lit., “pusod.”
O “Ng pinakamaganda sa.”
O “kita.”
Tingnan sa Glosari.
Lumilitaw na tumutukoy sa mga katangian ng Diyos na binanggit sa naunang mga talata.
O “praktikal na karunungan.”
O “At ang paa mo ay hindi hahampas sa anuman.”
O “sa mga nararapat tumanggap nito.”
O “Kung nasa kapangyarihan naman ng kamay mo na.”

Study Notes

Media