Mga Awit 68:1-35
Sa direktor. Awit ni David.
68 Bumangon nawa ang Diyos, mangalat nawa ang mga kaaway niya,At tumakas nawa mula sa harap niya ang mga napopoot sa kaniya.+
2 Kung paanong ang usok ay itinataboy ng hangin, itaboy mo nawa sila;Kung paanong ang pagkit* ay natutunaw sa harap ng apoy,Malipol nawa ang masasama sa harap ng Diyos.+
3 Pero magsaya nawa ang mga matuwid;+Mag-umapaw nawa sila sa kagalakan sa harap ng Diyos;Magsaya nawa sila at magdiwang.
4 Umawit kayo sa Diyos; umawit kayo ng mga papuri* sa pangalan niya;+Umawit kayo sa kaniya na dumadaan sa mga tigang na kapatagan.*
Jah* ang pangalan niya!+ Magsaya kayo sa harap niya!
5 Ama ng mga batang walang ama at tagapagtanggol* ng mga biyuda+Ang Diyos na nasa kaniyang banal na tahanan.+
6 Ang Diyos ay nagbibigay ng tahanan sa mga nag-iisa;+Pinalalaya niya ang mga bilanggo at pinasasagana sila.+
Pero ang mga sutil* ay titira sa tuyot na lupain.+
7 O Diyos, nang akayin mo ang bayan mo,+Nang tawirin mo ang disyerto, (Selah)
8 Ang lupa ay nayanig;+Nagbuhos ng ulan ang* langit dahil sa Diyos;Nayanig ang Sinai na ito dahil sa Diyos, ang Diyos ng Israel.+
9 Nagpaulan ka nang sagana, O Diyos;Pinalakas mo ang pagod mong bayan.*
10 Tumira sila sa iyong mga tolda;+Sa kabutihan mo, pinaglaanan mo ang dukha, O Diyos.
11 Si Jehova ang nagbibigay ng utos;Ang mga babaeng naghahayag ng mabuting balita ay isang malaking hukbo.+
12 Ang mga hari ng mga hukbo ay tumatakas,+ tumatakas sila!
Ang babaeng naiwan sa bahay ay hinahatian ng samsam.+
13 Kahit nakahiga kayo sa tabi ng mga sigâ ng kampo,*Magkakaroon kayo ng kalapati na ang pakpak ay nababalutan ng pilak,Na ang mga bagwis ay purong* ginto.
14 Nang pangalatin ng Makapangyarihan-sa-Lahat ang mga hari sa lupain,+Umulan* ng niyebe sa Zalmon.
15 Ang bundok ng Basan+ ay bundok ng Diyos;*Ang bundok ng Basan ay bundok na maraming taluktok.
16 Ikaw na bundok na maraming taluktok, bakit ka nakatingin nang naiinggitSa bundok na pinili* ng Diyos na maging tahanan niya?+
Si Jehova ay titira doon magpakailanman.+
17 Ang mga karwaheng pandigma ng Diyos ay sampu-sampung libo, di-mabilang na libo-libo.+
Si Jehova ay dumating mula sa Sinai papunta sa banal na lugar.+
18 Umakyat ka sa kaitaasan;+Nagdala ka ng mga bihag;Kumuha ka ng mga tao bilang regalo,+Maging ng mga sutil,+ at tumirang kasama nila, O Jah na Diyos.
19 Purihin nawa si Jehova, na nagdadala ng pasan natin+ araw-araw,Ang tunay na Diyos na ating tagapagligtas. (Selah)
20 Ang tunay na Diyos ay isang Diyos na nagliligtas;+At si Jehova na Kataas-taasang* Panginoon ay nagliligtas mula sa kamatayan.+
21 Dudurugin ng Diyos ang ulo ng mga kaaway niya,Ang bungo* ng sinumang patuloy na gumagawa ng kasalanan.+
22 Sinabi ni Jehova: “Kukunin ko sila mula sa Basan;+Kukunin ko sila mula sa mga kalaliman ng dagat,
23 Para matapakan mo ang dugo ng mga kaaway mo+At madilaan ng mga aso mo ang dugo nila.”
24 Nakikita nila ang martsa ng bayan mo, O Diyos,Ang martsa ng bayan ng aking Diyos at Hari papunta sa banal na lugar.+
25 Nasa unahan ang mga mang-aawit, kasunod nila ang mga manunugtog ng mga instrumentong de-kuwerdas;+Nasa pagitan ng mga ito ang mga dalagang tumutugtog ng mga tamburin.+
26 Purihin ang Diyos sa gitna ng nagkakatipong mga tao;Purihin ninyo si Jehova, kayong mula sa Bukal ng Israel.+
27 Naroon ang Benjamin,+ ang bunso, na lumulupig* sa kanila,Pati ang matataas na opisyal ng Juda kasama ang kanilang maingay na bayan,Ang matataas na opisyal ng Zebulon, ang matataas na opisyal ng Neptali.
28 Nag-utos ang iyong Diyos na bigyan ka ng lakas.
Ipakita mo ang iyong lakas, O Diyos, gaya ng ginawa mo noon para sa amin.+
29 Dahil sa iyong templo sa Jerusalem,+Magdadala ng regalo sa iyo ang mga hari.+
30 Sawayin mo ang mababangis na hayop na nasa mga tambo,Ang kawan ng mga toro+ at ang mga guya* ng mga ito,Hanggang sa yumukod ang mga bayan na may dalang* mga piraso ng pilak.
Pero pinangangalat niya ang mga bayan na nalulugod sa digmaan.
31 Dadalhin ang mga bagay na gawa sa bronse* mula sa Ehipto;+Magmamadali ang Cus sa pag-aalay ng mga regalo sa Diyos.
32 O mga kaharian sa lupa, umawit kayo sa Diyos,+Umawit kayo ng mga papuri* kay Jehova, (Selah)
33 Sa kaniya na nakasakay sa sinaunang langit ng mga langit.+
Ipinaririnig niya ang napakalakas niyang tinig.
34 Kilalanin ninyo ang lakas ng Diyos.+
Ang karilagan niya ay nasa Israel,At ang lakas niya ay nasa kalangitan.*
35 Ang Diyos ay kamangha-mangha sa kaniyang* maringal na santuwaryo.+
Siya ang Diyos ng Israel,Na nagbibigay ng lakas at kapangyarihan sa bayan.+
Purihin ang Diyos.
Talababa
^ Sa Ingles, wax.
^ O “umawit kayo at tumugtog para.”
^ O posibleng “sa mga ulap.”
^ Pinaikling anyo ng pangalang Jehova.
^ Lit., “hukom.”
^ O “mapagrebelde.”
^ Lit., “Tumulo ang.”
^ Lit., “mana.”
^ O posibleng “mga kulungan ng tupa.”
^ O “manilaw-nilaw na berdeng.”
^ O “Parang umulan.”
^ O “ay maringal na bundok.”
^ O “gusto.”
^ O “Soberanong.”
^ Lit., “mabuhok na tuktok ng ulo.”
^ O “namumuno.”
^ O “batang baka.”
^ O posibleng “na tumatapak sa.”
^ O posibleng “Darating ang mga embahador.”
^ O “Umawit kayo at tumugtog para.”
^ Lit., “mga ulap.”
^ Lit., “iyong.”