Mga Awit 130:1-8
Awit ng Pag-akyat.
130 Mula sa kalaliman ay tumatawag ako sa iyo, O Jehova.+
2 O Jehova, dinggin mo ang tinig ko.
Pakinggan mo nawa ang paghingi ko ng tulong.
3 Kung mga pagkakamali ang binabantayan* mo, O Jah,*Sino, O Jehova, ang makatatayo?+
4 Dahil sa iyo ay may tunay na kapatawaran,+Para ikaw ay lubos na igalang.*+
5 Umaasa ako kay Jehova, umaasa sa kaniya ang buo kong pagkatao;Hinihintay ko ang pangako* niya.
6 Hinihintay ko si Jehova nang may pananabik,+Higit pa sa pananabik ng mga bantay sa pagdating ng umaga,+Oo, higit pa sa pananabik ng mga bantay sa pagdating ng umaga.
7 Patuloy nawang hintayin ng Israel si Jehova,Dahil tapat ang pag-ibig ni Jehova,+At mayroon siyang saganang kapangyarihan para tumubos.
8 Tutubusin niya ang Israel sa lahat ng pagkakamali nila.
Talababa
^ O “tinatandaan.”
^ Pinaikling anyo ng pangalang Jehova.
^ Lit., “ay katakutan.”
^ O “salita.”