Kawikaan 3:1-35
3 Anak ko, ang aking kautusan ay huwag mong limutin,+ at ang aking mga utos ay ingatan nawa ng iyong puso,+
2 sapagkat ang kahabaan ng mga araw at mga taon ng buhay+ at kapayapaan ay madaragdag sa iyo.+
3 Huwag ka nawang iwan ng maibiging-kabaitan at ng katapatan.+ Itali mo ang mga iyon sa palibot ng iyong leeg.+ Isulat mo ang mga iyon sa tapyas ng iyong puso,+
4 at sa gayon ay makasusumpong ka ng lingap at mabuting kaunawaan sa paningin ng Diyos at ng makalupang tao.+
5 Magtiwala ka kay Jehova nang iyong buong puso+ at huwag kang manalig sa iyong sariling pagkaunawa.+
6 Sa lahat ng iyong mga lakad ay isaalang-alang mo siya,+ at siya mismo ang magtutuwid ng iyong mga landas.+
7 Huwag kang magpakarunong sa iyong sariling paningin.+ Matakot ka kay Jehova at lumayo ka sa kasamaan.+
8 Maging kagalingan+ nawa iyon sa iyong pusod at kaginhawahan sa iyong mga buto.+
9 Parangalan mo si Jehova ng iyong mahahalagang pag-aari+ at ng mga unang bunga ng lahat ng iyong ani.+
10 Sa gayon ay mapupuno nang sagana ang iyong mga imbakan ng panustos;+ at aapawan ng bagong alak ang iyong mga pisaang tangke.+
11 Ang disiplina ni Jehova, O anak ko, ay huwag mong itakwil;+ at huwag mong kamuhian ang kaniyang saway,+
12 sapagkat ang iniibig ni Jehova ay sinasaway niya,+ gaya nga ng ginagawa ng ama sa anak na kaniyang kinalulugdan.+
13 Maligaya ang taong nakasumpong ng karunungan,+ at ang taong nagtatamo ng kaunawaan,+
14 sapagkat ang pagkakamit nito bilang pakinabang ay mas mabuti kaysa sa pagkakamit ng pilak bilang pakinabang at ang pagkakamit nito bilang ani kaysa sa ginto.+
15 Ito ay mas mahalaga kaysa sa mga korales,+ at ang lahat ng iba pang kaluguran mo ay hindi maipapantay rito.
16 Kahabaan ng mga araw ang nasa kanang kamay nito;+ sa kaliwang kamay nito ay may kayamanan at kaluwalhatian.+
17 Ang mga daan nito ay mga daan ng kaigayahan, at ang lahat ng landas nito ay kapayapaan.+
18 Ito ay punungkahoy ng buhay+ para sa mga tumatangan dito, at yaong mga nanghahawakan dito nang mahigpit+ ay tatawaging maligaya.+
19 Itinatag ni Jehova ang lupa sa pamamagitan ng karunungan.+ Ang langit ay inilagay niya nang matibay sa pamamagitan ng kaunawaan.+
20 Sa pamamagitan ng kaniyang kaalaman ay nahati ang matubig na mga kalaliman,+ at ang maulap na kalangitan ay patuloy na nagpapatulo ng ambon.+
21 Anak ko, huwag nawang mahiwalay ang mga ito sa iyong mga mata.+ Ingatan mo ang praktikal na karunungan at ang kakayahang mag-isip,+
22 at sila ay magiging buhay sa iyong kaluluwa+ at panghalina sa iyong leeg.+
23 Kung magkagayon ay lalakad ka nang tiwasay+ sa iyong daan, at ang iyo ngang paa ay hindi hahampas sa anuman.+
24 Kailanma’t hihiga ka ay hindi ka makadarama ng panghihilakbot;+ at ikaw nga ay hihiga, at ang iyong tulog ay magiging kasiya-siya.+
25 Hindi mo dapat katakutan ang anumang biglaang panghihilakbot,+ ni ang bagyo man sa mga balakyot, dahil ito ay dumarating.+
26 Sapagkat si Jehova ang magiging iyo mismong pagtitiwala,+ at kaniya ngang iingatan ang iyong paa laban sa pagkabihag.+
27 Huwag mong ipagkait ang mabuti doon sa mga kinauukulan,+ kapag nasa kapangyarihan ng iyong kamay na gawin ito.+
28 Huwag mong sabihin sa iyong kapuwa: “Yumaon ka, at bumalik ka at bukas ay magbibigay ako,” kapag ikaw ay mayroon.+
29 Huwag kang kumatha ng anumang bagay na masama+ laban sa iyong kapuwa, kapag tumatahan siyang may katiwasayan sa piling mo.+
30 Huwag kang makikipagtalo sa isang tao nang walang dahilan,+ kung wala naman siyang ginawang masama sa iyo.+
31 Huwag kang mainggit sa taong marahas,+ ni piliin man ang alinman sa kaniyang mga lakad.+
32 Sapagkat ang taong mapanlinlang+ ay karima-rimarim kay Jehova,+ ngunit ang Kaniyang matalik na pakikipag-ugnayan ay sa mga matuwid.+
33 Ang sumpa ni Jehova ay nasa bahay ng balakyot,+ ngunit ang tinatahanang dako ng mga matuwid ay kaniyang pinagpapala.+
34 Kung tungkol sa mga manunuya,+ siya ay mang-aalipusta;+ ngunit sa maaamo ay magpapakita siya ng lingap.+
35 Karangalan ang aariin ng marurunong,+ ngunit dinadakila ng mga hangal ang kasiraang-puri.+
