Awit 62
Maligaya ang Maawain!
1. Maawai’y maligaya!
Sa Diyos sila ay maganda.
Sa katwira’y maibigin,
Sa awa Diyos may pagtingin.
Sa Kalbaryo Diyos naglaan,
Ukol sa ’ting katubusan.
Maamo’y kinahabagan,
Batid niyang alabok lamang.
2. Maawai’y binasbasan;
Pinawi ang kasalanan.
Nakikinabang sa awa
Na sa Diyos ay nagmumula.
Kaawaa’y itatanghal
Sa gawaing pangangaral.
Lahat pinagsasabihang:
Narito na ang Kaharian.
3. Maawai’y huwag mangamba
Pag naghukom si Jehova;
Yamang sila’y maawain,
Habag ay makakamtan din.
Tayo’y maging maawain,
May giliw nating taglayin.
Sa bawa’t pagkakataon,
Tularan ang Panginoon.
(KORO)
Maawai’y maligaya!
Sa Diyos sila ay maganda.
