Awit 137
Malapit na ang Takdang Panahon
1. O Jehova na siyang Banal,
Ang Bato, noong una pa,
Buhat Sion ika’y uungal;
Hatol mo, malapit na.
Kung sakali at magtagal,
Ito’y tiyak na darating.
O! Kawakasa’y malapit na;
Amin ngang hihintayin.
2. Hindi na rin magluluwat,
Huhugutin ang iyong tabak.
Sa lupa ay makikita,
Pagsamba na busilak.
Balakyot man ay mapoot
At kami ay masaktan,
Subali’t sa takda mong araw,
Ang bisig mo’y huhubdan.
3. Diyos, Hari at Panginoon,
Jehova ang iyong pangalan.
Mga tao’y namamangha
Sa iyong kadakilaan.
Ang Anak mo’y naghahari
Na makapangyarihan,
At, do’n sa luklukan mo,
O Diyos, lupa’y nasasakupan.
4. Tinig namin ay masaya;
Sa iyo, Diyos, mag-aawitan.
Kay Kristo ang kaligtasan
Sa ngayo’y makakamtan.
O dakilang Kamahalan,
Sa ngayo’y takdang oras.
O! Aming kinasasabikan,
Tagumpay mo sa wakas.
