Isang lugar na binanggit upang matukoy ang lokasyon ng Shilo. (Huk 21:19) Ipinapalagay na ito ang el-Lubban (Lubban Sharqiya), na mga 5 km (3 mi) sa KHK ng iminumungkahing lokasyon ng Shilo. Gayunman, nang iulat ng Bibliya na ang Shilo ay nasa “dakong timog ng Lebona,” maaaring ipinahihiwatig nito na ang orihinal na lunsod ng Lebona ay nasa mas gawing S pa ng iminumungkahing lokasyon nito.