Isang lugar na pinagdalhan ng mga Asiryanong monarka sa mga bihag na Israelita. (2Ha 17:6; 18:11; 1Cr 5:26) Naniniwala ang ilang iskolar na marahil ay dapat kabasahan ang Obadias 20 ng “mga tapon sa Hala” sa halip na “mga tapon ng [“hukbo,” JB; “puwersa,” Ro, Yg; “hukbo,” AS, KJ] muralyang ito.” (NW) Bagaman iba’t ibang pagkakakilanlan ang iminungkahi, hindi pa rin alam kung saan ang eksaktong lokasyon ng Hala. Iniuugnay ito ng iba sa Hallahu na binanggit sa mga tekstong Akkadiano.