“Walang Makakapigil kay Jehova sa Pagtulong sa mga Minamahal Niya”

I-PLAY

Noong Setyembre 30, 2025, hinatulan ng Vyselkovskiy District Court of the Krasnodar Territory si Sister Nataliya Novoseletskaya at binigyan ng dalawang-taóng suspended prison sentence. Hindi siya kailangang makulong sa ngayon.

Profile

Nataliya Novoseletskaya

Ipinanganak: 1963 (Dombarovsky, Orenburg Region)

Nabautismuhan: 2008

Maikling Impormasyon: Isang salesclerk bago magretiro. May isang anak na lalaki at isang anak na babae

Kaso: Pagdalo sa mga relihiyosong pagpupulong ng mga Saksi ni Jehova

Sentensiya: Dalawang-taóng suspended prison sentence

Personal na mga Komento

Anong mga talata sa Bibliya ang tumutulong sa iyo na huwag masyadong mag-alala sa puwedeng mangyari?

Isa sa mga paborito kong teksto ay Mateo 6:34: “Huwag kayong mag-alala tungkol sa susunod na araw, dahil ang kasunod na araw ay magkakaroon ng sarili nitong mga álalahanín.” Hindi ko sinasayang ang lakas ko sa pag-aalala sa kung ano ang puwedeng mangyari o sa pag-iisip ng gagawin ko kapag nangyari ang mga iyon. Sa halip, sinisikap kong gawin ang buong makakaya ko na harapin ang bawat araw. Nagagawa ko ito kasi iniisip ko rin ang sinasabi sa Panaghoy 3:22, 23: “Dahil sa tapat na pag-ibig ni Jehova kaya hindi pa tayo nalilipol, dahil walang hanggan ang awa niya. Ang mga iyon ay bago sa bawat umaga.” Laging nandiyan si Jehova para sa akin, at alam kong hindi niya ako iiwan anumang hamon ang mapaharap sa akin sa bawat araw. Kumbinsido ako na walang makakapigil kay Jehova sa pagtulong sa mga minamahal niya.

Patuloy sana nating pahalagahan ang tapat na pag-ibig ni Jehova sa atin at ituring siya bilang ang ating ‘ligtas na kanlungan at kalasag’ sa mga huling araw na ito.—Awit 144:2.

Tingnan Din

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.