MAYO 21, 2024 | UPDATED: MARSO 19, 2025
RUSSIA

UPDATE—SINENTENSIYAHAN NG SAPILITANG PAGTATRABAHO ANG KAPATID MATAPOS UMAPELA | Isang Karangalang Ipagtanggol ang Pangalan ni Jehova

I-PLAY

Noong Marso 13, 2025, matapos umapela ni Brother Sergey Lukin, binago ng Altai Territory Court ang suspended prison sentence na hatol sa kaniya at ginawa itong sapilitang pagtatrabaho nang apat na taon at anim na buwan. Kailangan niyang tumira sa isang correctional facility at magtrabaho sa lugar na sasabihin sa kaniya.

Noong Disyembre 11, 2024, hinatulan ng Biysk City Court of the Altai Territory si Brother Sergey Lukin ng suspended prison sentence na apat na taon at anim na buwan. Hindi niya kailangang makulong sa ngayon.

Profile

Sergey Lukin

Ipinanganak: 1971 (Biysk)

Maikling Impormasyon: Nangangasiwa sa isang palaisdaan

Napangasawa si Yelena noong 1991. Mayroon silang isang anak na lalaki, isang anak na babae, at isang apong babae

Naging Saksi ni Jehova ang nanay ni Sergey noong 1998. Pinayuhan siya ng nanay niya na basahin ang Bibliya. Humanga si Sergey nang makita niyang magkakatugma ang mga sinasabi ng Bibliya. Nabautismuhan noong 2010

Personal na mga Komento

Anong teksto sa Bibliya ang nagpapatibay sa iyo?

Nang maging Saksi ni Jehova ako, nagkaroon ako ng maraming problema. Nawalan ako ng trabaho at pinag-usig ako ng pamilya ko. Napakalungkot ko nang panahong iyon. Pero nakatulong sa akin ang Awit 118:6: “Kakampi ko si Jehova; hindi ako matatakot. Ano ang magagawa sa akin ng tao?” Kapag nagkakaproblema ako ngayon, napapatibay ako ng tekstong iyon. Halimbawa, nang halughugin ng mga awtoridad ang bahay ko at kunin ako para pagtatanungin, alam kong wala akong dapat ikatakot. At ang galing, dahil tinulungan ako ni Jehova na maging kalmado. Ang saya-saya ko. Naisip ko tuloy kung ano ang naramdaman ng mga apostol matapos silang pagpapaluin dahil sa pagsuporta nila kay Jesus. Naging mas maliwanag sa akin na isang malaking karangalan na ipagtanggol ang pangalan ni Jehova. Gusto kong gawin ang buo kong makakaya para maging karapat-dapat sa karangalang iyon.

Nagpapasalamat tayo sa halimbawa ni Sergey, dahil ipinapaalala nito sa atin na ang pag-ibig natin kay Jehova ay ‘nag-aalis ng takot.’—1 Juan 4:18.

Time Line

Disyembre 1, 2022

Sinampahan ng kasong kriminal
Enero 25, 2023

Hinalughog ang apartment at opisina niya. Pinagtatanong at pinagbawalang umalis ng kanilang lugar
Enero 25, 2024

Nagsimula ang paglilitis

Magugustuhan Mo Rin

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.