OKTUBRE 31, 2023 | UPDATED: PEBRERO 5, 2025
RUSSIA

UPDATE—NAKULONG ANG KAPATID | “Huwag Mong Tingnan ang Malakas na Hangin”

I-PLAY

Noong Pebrero 4, 2025, hinatulan ng Sovietskiy District Court of Krasnodar si Brother Aleksey Lelikov at sinentensiyahang mabilanggo nang anim na taon at limang buwan. Agad siyang ibinilanggo pagkagaling sa korte.

Profile

Aleksey Lelikov

Ipinanganak: 1960 (Krasnodar, Krasnodar Territory)

Maikling Impormasyon: Nagtrabaho bilang music teacher

Napangasawa si Irina noong 1979. May anak silang lalaki at babae

Mga ateista sina Aleksey at Irina, at dismayado si Aleksey sa pangangatuwiran ng tao. Pero nagpa-Bible study siya sa mga Saksi ni Jehova. Nabautismuhan silang mag-asawa noong 1994

Personal na mga Komento

Ano ang nakatulong sa iyo para makayanan ang sobrang pag-aalala?

Ilang buwan mula nang magsimula ang imbestigasyon, napansin kong lagi akong nag-aalala kung ano ang mangyayari at naaawa pa nga ako sa sarili ko. Para akong si Pedro na tumingin sa malakas na hangin. (Mateo 14:30) Isang gabi, alalang-alala ako. Marubdob akong nanalangin at nagsumamo kay Jehova na pakalmahin ang puso ko. Nakatulog ako nang mahimbing nang gabing iyon. Pero no’ong umaga na, nag-alala na naman ako. Nanalangin ulit ako at sinikap kong kontrolin ang isip ko. Ipinaalala ko sa sarili ko: ‘Kaibigan mo si Jehova at si Jesus, at kailangan mong magpakita ng lakas ng loob at pananampalataya para mapatunayan ’yan. Huwag kang mag-alala sa kung ano ang puwedeng mangyari bukas. Huwag kang tumingin sa malakas na hangin.’ Naging mas maliwanag sa akin ngayon na walang makakapagbigay sa atin ng kapayapaan at kapanatagan na gaya ni Jehova.

Kapag nakikita nating nakakapagtiis ang mga kapatid natin, napapatibay ang pananampalataya natin sa pangako ni Jehova na ‘pahuhupain niya ang buhawi’ ng mga kabalisahang puwede nating maranasan.—Awit 107:28, 29.

Time Line

Enero 20, 2022

Sinampahan ng kasong kriminal
Enero 28, 2022

Hinalughog ang bahay ng mga Lelikov. Dinala si Aleksey para sa interogasyon at pinalaya rin nang araw na iyon
Pebrero 16, 2023

Nagsimula ang paglilitis

Magugustuhan Mo Rin

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.