HULYO 26, 2021
RUSSIA

UPDATE | “Lalo Akong Napalapít kay Jehova Dahil sa Pag-uusig”

I-PLAY

Noong Abril 20, 2022, hindi tinanggap ng Krasnodar Regional Court ang apela ni Brother Vladimir Skachidub. Nakakulong pa rin siya.

Time Line

Noong Oktubre 11, 2021, hinatulang nagkasala si Vladimir ng Pavlovskiy District Court ng Krasnodar Territory at sinentensiyahan siyang makulong nang apat na taon at dalawang buwan
Disyembre 30, 2020

Nagsimula ang unang pagdinig
Hulyo 23, 2020

Isinama sa listahan ng mga ekstremista
Hunyo 23, 2020

Pormal siyang sinampahan ng kasong kriminal dahil sa pangangaral

Profile

Vladimir Skachidub

Ipinanganak: 1961 (Pavlovskaya, Krasnodar Territory)

Maikling Impormasyon: Pagkatapos maglingkod sa militar, nag-aral ng radio engineering sa isang paaralan sa Taganrog, Rostov Region. Noong 25 taóng gulang siya, namatay ang mga magulang niya. Bumalik sa bayan nila para alagaan ang kapatid niyang si Nataliya, na 15 taóng gulang noon. Namatay si Nataliya dahil sa leukemia noong 2003. Ang huling trabaho ni Vladimir ay makinista sa pagawaan ng mga piyesa ng sasakyan. Mahilig kumuha ng litrato at tumugtog ng gitara

Nagkainteres sa Bibliya nang makausap ng mga Saksi ni Jehova si Nataliya at ang kaibigan nitong si Galina. Humanga sa paliwanag tungkol sa paglalang at bandang huli ay nagpa-Bible study. Inihinto ang paninigarilyo at sobrang pag-inom ng alak. Napangasawa si Galina noong 1997. Nabautismuhan noong 1998 at si Galina naman noong 2016

Personal na mga Komento

Ano ang hiniling mo kay Jehova sa panalangin sa panahong ito?

Humiling ako ng banal na espiritu, patnubay, at lakas na higit sa karaniwan. Nang magsimula ang imbestigasyon, . . . nanalangin ako na mapabanal ko ang pangalan ni Jehova kapag kausap ko ang imbestigador. Sa huling interogasyon, pinapurihan ako ng imbestigador dahil sa mabuting paggawi.

Ano ang natutuhan mo sa pagsubok na ito na maghahanda sa iyo sa mga pagsubok sa hinaharap?

Lalo akong napalapít kay Jehova dahil sa pag-uusig na ito, at natuto akong huwag masiraan ng loob sa mahihirap na panahon kundi sa halip ay lubusang magtiwala kay Jehova.

Gaya ni Vladimir, nagtitiwala tayo na patuloy siyang tutulungan ni Jehova “para maging mapagpasensiya [siya] at masaya habang tinitiis ang lahat ng bagay.”—Colosas 1:11.

Magugustuhan Mo Rin

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.