“Taas-Noo”

I-PLAY

“Taas-Noo”

Noong Oktubre 15, 2025, sinentensiyahan ng Vyselkovskiy District Court of the Krasnodar Territory si Sister Yelena Rumyantseva ng dalawang-taóng suspended prison sentence. Hindi siya makukulong sa ngayon.

Profile

Yelena Rumyantseva

Ipinanganak: 1972 (Otradnaya, Krasnodar Territory)

Nabautismuhan: 2006

Maikling Impormasyon: Isang mananahi. Napangasawa si Mikhail noong 2000. Namatay ang mister niya noong 2019. Ang nag-iisang anak nilang babae na si Sister Vasilina Penskaya ay hinatulang may-sala noong Hulyo 2025 at kasalukuyang tinatapos ang ipinataw sa kaniya na dalawang-taóng suspended prison sentence

Kaso: Pagtuturo ng Bibliya at pakikibahagi sa relihiyosong pulong ng mga Saksi ni Jehova

Sentensiya: Dalawang-taóng suspended prison sentence

Personal na mga Komento

Ano ang nakakatulong sa iyo kapag sobra kang nag-aalala?

Nitong nakaraang mga taon lang, ang dami kong hinarap na malalaking hamon. Na-stroke si Nanay at nagre-recover pa siya ngayon. Pagkatapos, biglang namatay ang asawa ko. At wala pang dalawang taon mula nang mangyari iyon, namatay naman si Tatay. Kaya natural lang na sobra akong mag-alala kung minsan. Pero kapag nararamdaman ko iyon, iniisip ko ang Awit 27:1, kung saan sinabi ni David: “Si Jehova ang aking liwanag at kaligtasan. Kanino ako matatakot? Si Jehova ang moog ng buhay ko. Kanino ako masisindak?” Napakalaki ng epekto sa akin ng tekstong ito. Naalala ko noong binabasa ng prosecutor ang akusasyon sa akin, nanginginig ang katawan ko. Pero nanalangin ako, at hindi ko maipaliwanag ang kapanatagang naramdaman ko. Taas-noo akong tumingin sa prosecutor habang iniisip ko, ‘Kilala niya ba kung sino ang kakampi ko?’ Hindi ako iniwan ni Jehova kahit kailan, kahit sandali lang. Naging tunay na ama siya sa akin, at talagang ipinagpapasalamat ko iyon.

Sigurado tayong patuloy na ibibigay ni Jehova ang suporta at lakas na kinakailangan ng mga kapatid nating inuusig para ‘makapagtiis sila hanggang sa wakas.’—Mateo 24:13.

Tingnan Din

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.

“Taas-Noo”

Profile

Tingnan Din

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Piliin ang Wika Mo