“Siguradong Matatapos Din ang Paghihirap Ko”

I-PLAY

Noong Setyembre 5, 2025, hinatulan ng Kurgan City Court ng Kurgan Region si Sister Irina Kamshilova at pinagmulta ng 300,000 ruble ($3,729 U.S.).

Profile

Irina Kamshilova

Ipinanganak: 1968 (Kurgan)

Nabautismuhan: 2001

Maikling Impormasyon: May leukemia. May isa siyang anak na babae

Kaso: Pagdalo sa mga relihiyosong pagpupulong ng mga Saksi ni Jehova

Sentensiya: Pinagmulta ng 300,000 ruble ($3,729 U.S.)

Personal na mga Komento

Habang pinagdadaanan mo ang mahirap na sitwasyong ito, anong mga pagbabago ang napansin mo sa sarili mo?

Kapag dinadalisay ang ginto, pinaiinit ito hanggang sa mawala ang lahat ng dumi. Sa katulad na paraan, mula nang harapin ko ang pagsubok na ito, napansin ko na naging mas makabuluhan ang personal na pag-aaral ko, mas madalas at mas espesipiko na ang mga panalangin ko, at mas nakakapagpigil ako sa sarili. Mas pinahahalagahan ko rin ngayon ang mga kaibigan ko. Tuwing nagtitiwala kay Jehova, nakukumbinsi ako na kontrolado niya ang lahat ng bagay. Napapatibay ako nito na siguradong matatapos din ang paghihirap ko.

Nagpapasalamat tayo kay Jehova, na nakaaalam ng laman ng ating puso at mga ikinababahala, para sa pampatibay at lakas na ibinibigay niya.—Awit 139:23.

Tingnan Din

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.