“Sa Tulong ni Jehova, Matitiis Natin ang Lahat ng Bagay”

I-PLAY

Noong Pebrero 25, 2025, hinatulan ng Pavlovskiy District Court of the Krasnodar Territory si Brother Aleksandr Davydenko at sinentensiyahang makulong nang apat na taon at dalawang buwan. Mananatili siya sa bilangguan, dahil ikinulong na siya bago pa masentensiyahan.

Profile

Aleksandr Davydenko

Ipinanganak: 1992 (Aleksandrovka, Krasnodar Territory)

Nabautismuhan: 2007

Maikling Impormasyon: Nagtrabaho sa isang fish processing plant

Kaso: Nangangasiwa sa mga pulong ng mga Saksi ni Jehova at ipinakikipag-usap sa iba ang tungkol sa Bibliya

Nakulong nang halos isang taon at kalahati habang hinihintay ang paglilitis sa kaniya

Sentensiya: Apat-na-taon-at-dalawang-buwang pagkabilanggo

Personal na Komento Mula sa Nanay ni Aleksandr, si Sister Larisa Davydenko a

Kumusta si Aleksandr sa bilangguan?

Kapag nag-uusap kami, madalas niyang sabihin na mahirap mabuhay sa bilangguan at hindi rin madaling paglabanan ang lungkot. Pero lagi niyang sinasabi sa akin na sa tulong ni Jehova, matitiis natin ang lahat ng bagay. Lagi akong nananalangin kay Jehova na sana tulungan niya si Aleksandr na manatiling tapat. Kitang-kita na pinagpapala ni Jehova ang pagtitiis niya at katapatan. Napapatibay ako sa halimbawa ni Aleksandr at sa mga sinabi niya sa akin. Patunay ang mga iyon na sinasagot ni Jehova ang mga panalangin ko.

Nagtitiwala tayo na patuloy na tutulungan at papatibayin ni Jehova si Aleksandr at ang pamilya niya habang nananatili silang tapat.—Awit 26:11.

a Noong inihahanda ang artikulong ito, nakakulong si Brother Davydenko kaya hindi siya posibleng mahingan ng personal na komento.

Magugustuhan Mo Rin

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.