MARSO 28, 2025
RUSSIA

Itaas na hanay, kaliwa pakanan: Sina Brother Oleg Katamov at Aleksey Kuznetsov

Ibabang hanay, kaliwa pakanan: Sina Brother Aleksandr Shchetinin at Aleksandr Starikov

‘Pinalalakas Tayo ng Pagkatakot kay Jehova’

I-PLAY

Noong Marso 27, 2025, hinatulan ng Konakovo City Court of the Tver Region sina Brother Oleg Katamov, Aleksey Kuznetsov, Aleksandr Shchetinin, at Aleksandr Starikov. Sinentensiyahan ang bawat isa sa kanila na makulong nang anim na taon. Mula sa korte, dinala agad sila sa bilangguan.

Profile

Oleg Katamov

Ipinanganak: 1962 (Konakovo)

Nabautismuhan: 1991

Maikling Impormasyon: Nagtrabaho sa isang pabrika. Napangasawa niya si Larisa noong 1985. Mayroon silang isang anak na babae

Kaso: Nangangasiwa sa mga pulong ng mga Saksi ni Jehova

Sentensiya: Anim-na-taóng pagkabilanggo

Personal na mga Komento

Paano nakatulong sa iyo ang espirituwal na rutin mo para manatili kang masaya sa mahirap na panahong ito?

May mga panahong masyado akong nag-aalala. Pero naalala ko na may tatlong bagay na makakatulong sa akin para lagi akong maging masaya. Mahalaga ang regular na magbasa ng Bibliya, mamuhay ayon sa mga pamantayan ni Jehova, at gawing pangunahin sa buhay ang pagsamba kay Jehova. Dahil sa pagsunod ko sa payong ito, talagang nakikinabang ako. Lalo akong sumaya, may kapayapaan ako ng isip, at mas tumibay ang tiwala ko kay Jehova.

Aleksandr Starikov

Ipinanganak: 1960 (Ivanovo, Ivanovo Region)

Nabautismuhan: 1998

Maikling Impormasyon: Nagtrabaho bilang isang piloto

Kaso: Nangangasiwa sa mga pulong ng mga Saksi ni Jehova sa pamamagitan ng videoconference

Sentensiya: Anim-na-taóng pagkabilanggo

Personal na mga Komento

Paano nakakatulong sa iyo ang pagkatakot kay Jehova?

Sinasabi sa Kawikaan 29:25: “Ang panginginig sa harap ng mga tao ay isang bitag, pero ang nagtitiwala kay Jehova ay poprotektahan.” Alam kong kailangan kong gawin ang kalooban ng Diyos sa lahat ng pagkakataon, hindi lang kapag madali itong gawin. Kung magpapadala ako sa takot sa tao, manghihina ako at para na rin akong pumapanig sa mga kaaway ng Diyos. Sa kabilang banda, pinapalakas ako ng pagkatakot kay Jehova at nakakatulong ito sa akin para magtiwalang kaya kong manatiling tapat hanggang kamatayan, gaya ni Jesus. Madalas kong balikan kung paano ako tinulungan ni Jehova sa mga problema ko noon. Kaya lalo akong nagiging kumbinsido na tutulungan niya rin akong makapagtiis sa hinaharap.

Nagpapasalamat tayo sa magandang halimbawa ng mga kapatid na ito ng pananampalataya at lakas ng loob. Habang nakikita natin kung paano pinangangalagaan ni Jehova ang mga nagtitiis ng pag-uusig, ipinapaalala nito sa atin na “ang mga natatakot [kay Jehova] ay hindi nagkukulang ng anuman.”—Awit 34:9.

Magugustuhan Mo Rin

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.