“Patuloy Akong Maglilingkod kay Jehova!”

I-PLAY

Noong Mayo 12, 2025, hinatulan ng Sovetskiy District Court of the City of Chelyabinsk si Brother Andrey Shurygin at sinentensiyahang makulong nang limang taon at anim na buwan. Mula sa korte, dinala siya agad sa kulungan.

Profile

Andrey Shurygin

Ipinanganak: 1976 (Ust-Karabolka, Chelyabinsk Region)

Nabautismuhan: 1998

Maikling Impormasyon: Isa siyang electrician. Napangasawa niya si Yevgeniya noong 2006. Mayroon silang dalawang anak na babae

Pinaratangan na: Nag-oorganisa at nagsasagawa ng relihiyosong mga pulong ng mga Saksi ni Jehova

Sentensiya: Limang taon at anim na buwang pagkabilanggo

Personal na mga Komento

Paano nakatulong sa iyo ang halimbawa ni Jesus para magtiis?

Noong nasa lupa si Jesus, pinag-usig siya. Dahil pinag-uusig ako, nakatulong sa akin na maunawaan ang isinulat tungkol sa kaniya sa Hebreo 5:8, 9: “Kahit na anak siya ng Diyos, natuto siyang maging masunurin mula sa mga pinagdusahan niya. At pagkatapos niyang maging perpekto, siya ang naging daan para sa walang-hanggang kaligtasan ng lahat ng sumusunod sa kaniya.” Kahit na palaging sumusunod si Jesus noong nasa langit siya bago siya pumarito sa lupa, “natuto siyang maging masunurin” sa isang bagong paraan sa pamamagitan ng mga tiniis niya bilang tao. Dahil dito naging perpekto siya sa diwa na kuwalipikado na siya ngayong maglingkod bilang ating Mataas na Saserdote. Ang mga pagsubok na nararanasan ko ngayon, na bago sa akin, ay nakatulong sa akin na makita na marami pa akong dapat pasulungin. At hindi ito madali. Kung minsan madali lang, kung minsan naman mahirap. Ang mahalaga, patuloy akong maglilingkod kay Jehova.

Lahat tayo ay may mga pagsubok na pinagdaraanan, pero determinado tayong “hayaang gawin ng pagtitiis ang layunin nito” at magpasalamat sa suporta ni Jehova, na tumutulong sa atin na maging “ganap na malusog sa lahat ng aspekto.”—Santiago 1:4.

Tingnan Din

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.