Natulungan ng Kristiyanong mga Katangian na Magtiis

I-PLAY

Noong Pebrero 7, 2025, hinatulan ng Industrialniy District Court of the Altai Territory si Brother Valeriy Klokov at sinentensiyahang makulong nang tatlong taon. Dinala agad siya sa bilangguan mula sa korte.

Profile

Valeriy Klokov

Ipinanganak: 1985 (Kazakhstan)

Nabautismuhan: 2001

Maikling Impormasyon: Isang tubero. Napangasawa si Nataliya noong 2004

Kaso: Nagsasaayos at nakikibahagi sa relihiyosong mga pulong ng mga Saksi ni Jehova

Dalawang araw siyang inilagay sa temporary detention center at halos isang taong naka-house arrest

Sentensiya: Tatlong-taóng pagkabilanggo

Personal na mga Komento

Ano ang pinasasalamatan mo sa pagsasanay na inilalaan ni Jehova?

Nagpapasalamat ako kay Jehova sa pagtulong niya sa akin na malinang ang Kristiyanong mga katangian. Halimbawa, natulungan ako ng pagiging matiisin na manatiling matatag sa kabila ng mahirap na kalagayan sa bilangguan at malupit na pagtrato sa akin sa temporary detention center. Kapag ginagalit ako o pinagbabantaan ng mga imbestigador, natulungan ako ng pagpipigil sa sarili na iwasang magsalita ng anumang puwedeng magpahamak sa mga kapatid ko. Dahil nalinang ko ang mga katangiang ito bago pa ako maaresto, naging handa ako sa mga pagsubok na napaharap sa akin.

Nagpapasalamat tayo na tinutulungan tayo ni Jehova na malinang ang mga katangiang tutulong sa atin na manatiling tapat at magtiis.—Galacia 5:22, 23.

Magugustuhan Mo Rin

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.