‘Naninindigan sa Pamumuhay Bilang Kristiyano’

I-PLAY

Noong Setyembre 15, 2025, hinatulan ng Kurgan City Court of the Kurgan Region si Sister Anastasiya Gaytur at pinagmulta ng 300,000 ruble ($3,546 U.S.).

Profile

Anastasiya Gaytur

Ipinanganak: 1996 (Petukhovo, Kurgan Region)

Nabautismuhan: 2009

Maikling Impormasyon: Nagtatrabaho bilang tagagupit ng buhok. Nililitis din ang ama niyang si Brother Aleksandr Gaytur

Kaso: Pagdalo sa mga relihiyosong pagpupulong ng mga Saksi ni Jehova

Sentensiya: Pinagmulta ng 300,000 ruble ($3,546 U.S.)

Personal na mga Komento

Ano ang nakatulong sa iyo para makayanan ang panahong ito ng pagsubok?

Napakalaking tulong sa akin ng panalangin sa mga panahong ito. Kapag nag-aalala ako, nahihirapan akong makapag-isip nang maayos. Kaya sinanay ko ang sarili ko na manalangin sa maikli kapag nagsisimula na akong mag-alala. Sa tuwing ginagawa ko ito, nakikita ko kung paano ako pinagpapala ni Jehova at binibigyan ng lakas. Naipapaalala nito sa akin na hindi hinihintay ni Jehova na matapos ang pagsubok na nararanasan ko bago niya ako pagpalain kasi pinagpapala na niya ako ngayon. Totoo, mas humirap ngayon ang buhay ko, pero determinado akong huwag sumuko. Patuloy akong mananalangin para sa lakas ng loob para makapanindigan ako sa pamumuhay bilang Kristiyano.

Nakakapagpatibay malaman na anumang mga pagsubok ang mapaharap sa atin, ang mapagmahal nating Ama, si Jehova, ay malapit sa atin “kapag tumatawag tayo sa kaniya.”—Deuteronomio 4:7.

Tingnan Din

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.